March 2020
  • Day18

    Petrified Forest,Grand Canyon, Las Vegas

    March 20, 2020 in the United States ⋅ ⛅ 15 °C

    Nach dum White Sands National Monument siwer witer zum Petrified Forest gfahro. Das isch öi en Nationalpark mit millione alte versteinerto Böimstämm! Mu hed fasch nid chenne glöibe, das schich die Böimstämm mit de Jahri in Steina verwandlot heind. Derna siwer witer zuma Gratiscamping diräkt amu Fluss gfahro. Äs hednisch da äns güet gfallo, aber leider heiwer schlächti Nachtichte erfahro. D Familifröinda fam Jonas hend nisch gschriebe wier selle so schnäll als möglich Heimreiso äs diege na dis na alls züe und uf San Framsisco z cho heie öi kei Wärt meh... Und öi susch heiwer je länger je meh Mäldige bercho das d Visitor Center züe diend und die Campings öi. Drum heiwer de e Flug fa Las Vegas uber Toronto ver de 22. März büecht. Isch isch gli nu biz Zit blibo und so siwer witer zum Grand Canyon. Är isch sehr idrücklich gsi und aber äs isch ischig chalt gsi und äs häd gschnitt. Gäge Abo siwer ufe Camping und heinisch ufe Dusch gfreut. Aber wägum Virus isch öi die Dusch gschlosso gsi. De heiwernisch halt e flotte Abo mitra Guttra Wii und mu warmo Ässo gmacht.
    Witer siwer de uf Las Vegas. Ufm Wäg heiwer erfahro das der Flug gecancled wordo isch drum siwer diräkt anu Flughafo das ga kläro. Schi hend nisch e nöjie Flug chene büecho und wier si glücklich ufen Camping am See. Da hänsch nisch gseit wier chene gratis cho, willsch der ganz Park in 3 Täg gschliessond. De heiwer das Agebot natirli dankund agnu und heinisch zwei gemütlichi Täg iner Sunna gmacht. Mim Blick ufs Natel isch der Flug widr gecancled wordo. D Airline hed nisch e nöjie chene büeche fa Los Angeles üs. Drum siwr nachere churze Autotour durch das läärgfägt Las Vegas witer nach Los Angeles gfahro, wawer ischers gliebt Autoli hei miesse abgä. Ver d letscht Nacht heiwernisch äs nobels Hotel gegönnt und hoffe jetzt, daswer moro Morgo chene fleigo😊
    Read more

  • Explore, what other travelers do in:
  • Day16

    White Sands National Monument

    March 18, 2020 in the United States ⋅ 🌧 11 °C

    Fa Carlsbad Caverne siwer am Morgo früeh witer nach Alamogordo in New Mexiko gfahro. Da heiwer de zersch im Camping igitscheggt (diz mal heiwernisch eppis gunnt ver zwei Nächt 😉). Derna siwer diräkt zum White Sands National Monument gfahro. Da heiwer e paar churzi Spaziergäng uber die endlose wisse Sanddüne gmacht. Äs isch sehr beeidrucked gsi, will eifach 20 Minüte fame Städji ewäg iner eher karge Wieschti ufzmal en rieso grossi Flächi wisse Sand isch, wa üsgseht wie Schnee. Wills de aber eso gwinde hed und chalt isch gsi heiwer deicht wier geh zersch mal ga z Nacht ässo. D Luscht ufne Burger häd nisch beidi packt drum siwer ima Diner, wand häsch miesse im Auto bstelle und öi ässo ga en Burger ässo. Mit vollem Mago siwer zrug ze Sanddüne und si der Sunnuunergang ga lüego. Am negschto Morgo siwer üf und äs isch z schönscht Wätter gsi. Drum heiwer Pancakes gmacht, aber währund dum ässo häds afa züe tüe. Drum siwer nahm ässo nu biz ins Bett gläge und hei mit der Mama und dum Norma telefoniert. Nahm Telefo isch z Wätter immer nu schlächt gsi und äs hed nu meh afa rägno. Drum heiwernisch ins Bett verpflanzt und hei Netflix glüegt. Am dri isch z Wätter immer nu himmelärdotrürig gsi. Drum siwer de schnell ga ichöifo und si ga Mexkanisch ässo, willwer in dem Rägo nid hei chene choche😢 Aber äs isch super gsi und mit vollen Mage siwer de ins Bett und hei en ischchalti Nacht verbracht. Da isch nixmeh mit churze Hose und z Fenschter sperrangelwitoffe.Read more

  • Day14

    Carlsbad Caverns Nationalpark

    March 16, 2020 in the United States ⋅ ☀️ 19 °C

    Diräkt fam Big Bend Nationalpark siwer witer zum Carlsbad Caverne Nationalpark gfahro. Ufem wäg heiwer wie immr Nachrichte gläso und sie biz erchlipft wa alli gschriebe hend wie Situation inr Schwiz wägm Coronavirus isch und das alli Tourischte heim selle cho... Wier hei nisch aber de fa dem nid la der Tag verderbe und sie de glich zum Nationalpark. Fa da üs heiwer en zirka eistündigi Wandrig inen rieso grossi Höhli gmacht, wa sehr beedruckend gsi isch. Na zirka zwei Stunde uner der Ärda siwer de wieder embrüf und witergfahro zum ichöifo. Da heiwer de gmerkt das öi z Amerika der Hamschterchöif afat. Ver Wasser und Wc Papier hedme miesse astah, Regal sind vielfach lääri gsi. Aber wier hei de gli paar Sache ver d negschto Täg gfundo und sie witer uf en gratis Camping gfahro, wawer nisch äs feins Steak gegönnt hei. Näbo bi heiwr nu dum EDA aglito und sie de froh gsie hend die gseit wier selle ischers Reisli fortsetzo.Read more

  • Day12

    Big Bend Nationalpark

    March 14, 2020 in the United States ⋅ ☀️ 22 °C

    Fa New Orleans siwer witer nach Gonzales in Texas gfahro, wawer äs super Barbecue gässo hei und Nacht ufma Camping im Nirgendwo verbrungo hei. Derna siwer witer zum Big Bend Nationalpark gedüst. Am erschto Tag heiwer am Morgo än 4 stündigi Wandrig zu "The Window" gmacht, wawer e wunderbari Üssicht ufs Land kä hei. Biner Wandrig bin vor allem ich nu nid so wohl gsi, willnisch uberall Bärglöwe, Bäre oder Schlange hätti chene uber de Wäg löife. Gottlob heiwer dero abr nid gseh. Will so heiss isch gsi heiwer am Namittag nur nu e churzi Fahrt durch de Park gmacht und si de witer ufe Camping, willernisch ufe erfrischendi Dusch gfreut hei. Aber uf dem Camping acho, heiwer gmerkt das da uberhöipt nix git üssr äs ToiToi. De heiwernisch halt wohl oder übel mit Wasser gwäsche, dasme de nid gat allzu dräckigs ins Bett hed miesso. Am negschto Morgo siwer früeh üf und los ver de Sunnoüfgang ga z lüego. Derna heiwer e stündigi Wandrig inu Santa Elena Canyon gmacht, was nisch sehr imponiert häd. Wills wieder so heiss isch gsi siwer am Namittag de nu e churzi Wandrig zuma andro Canyon ga macho. Nah der Wandrig siwe zum Visitor Center gfahro und hei gottlob ver 2 Dollar chene dusche. Küm üsser Dusch üssa, heds vorna gegwittrot was häd mägo. Wier hei de e schutz gwartot und sie de losgfahro was e biz nahgla hed. Aber sones Gwitter häni sälto erläbt :)Read more

  • Day10

    New Orleans

    March 12, 2020 in the United States ⋅ ⛅ 24 °C

    Nach zwei Täg mit vill Autofahre siwer z'New Orleans acho. Der erscht Tag siwer durch z French Quarter in New Orleans gschländrot. Da hets villi härzigi Hüsjini kä und üs jeder Egga hedmo Jazz oder susch Müsig kehrt. Später siwer de ga ä Cocktail schlürfo, wa rächt igfahro isch ;) Liecht beschwippst siwer typisch ver New Orleans ga ässo (Shrimpssandwich und rote Fisch). Am negschto Tag heiwer än Food Tour durch d Stadt gmacht. Der Guide isch super gsi und wier hei vill uber die Gschicht, Jazz und Schwarze in New Orleans erfahro. Wier hei e schuppo Stopps gmacht und hei vill typischi Spezialitäte chene probiero. Mima volle Büch siwer nu ins Garden District, hei aber nur nu churz mego umchalöifo willwer so mied si gsi. Drum siwer bald zrug ufu Camping und sie ga liggo :)Read more

  • Day6

    Everglades National Park

    March 8, 2020 in the United States ⋅ 🌙 15 °C

    Na dem daswer der Camper z Miami abgholt hei siwer diräkt inu Everglades National Park gedüst. Da heiwer zwei Nächt ufma Camping ubernachtot, was nisch super gfallo hed. Öi im Camper fühlewernisch wohl und en Liechterchetti sorgt ver e gwissi Gmietlichkeit. Im Park sälber heiwer vili churzi Trails gmacht und derbi tüsigi Vegel, äs paar Seechieh, ei Schildkrota und äs paar Lattüechjini gseh. Leider Gottes hed der Jonas keis Krokodil gseh, aber ver e Bootstour is leider vill z windig gsi :)Read more

  • Day2

    Miami

    March 4, 2020 in the United States ⋅ ☀️ 25 °C

    Nachre lango Reis siwer güet z Miami acho. D erscht Nacht heiwer imene Airbnb in Miami Beach verbrungo und hei gat 12.5 Stunde gschlafo. D witere zwei Nächt verbringewer in Miami Downtown ima Airbnb. Bis jetzt hed nisch Miami nu nid so gepackt. Wier fühlenisch ehner als wäriwer z Spanie oder z Italie, will fasch niene triffsch en Englisch redonde Mänsch a. Was nisch aber super gfallo hed isch Wynwood mit schine unzähligo Graffiti Wänd sowie härzige Beizjis und der witlöifig Strand in Miami Beach. Und mu müess öi nu sägo das hie alls schweine teuer isch ;)Read more