Tulum

Tulum esch ehn cooli Hipsterstadt voll mit Traumfänger und mer händ es mega tolls Hostel gha. Am erste Tag simmer ih ehn Cenote go bade wo so löcher gha hed zum dri gumpe und händ au grad dete chli Mangos, Banane und Chips zu Zmittag gässe 😋. D Mirj und de Dominic händ denn de Tauchkurs gmacht drum han ich wedermol chli Täg für mich gha

Am erste Tag bin ich mit ehmene Taxi collectivo ah Strand. Das esch es zimlichs Abedtür gsii well ich halt kei Spanisch cha, ned so gnau gwösst ha wo ich dure muess und ich die einzig Touristin gsii bi wo mitgfahre esch. De Strand esch aber ned so bombastisch gsii. Am Obig hämmer mol sälber gchoched - es esch voll fein gsii 😅.

Am zwoite Tag han ich es Velo gmieted und bi id Grancenote go bade. Det heds chlini Schildchröttli gha wo ih de Cenote ume schwimmed.

Am letschte Tag vom Tauchkurs vo de Mirj & ehm Dominic bin ich mit ihne mit go tauche. Es hed sich leider ned so glohnt well s Wasser mega unruihig gsii esch und mer drum ehn schlächti Sicht gha händ. Als Abschlussässe simmer nomol go Tacos al Pastor ässe😊😋

Nach dem sie de Tauchkurs abgschlosse händ hämmer ah üsem letschte Tag no ehn Usflug uf Coba gmacht zum go d Mayaruine ahluege. Mer händ ehn Guide gnoh wo üs chli öbbis verzellt hed und sind denn no chli dor de Park spatziert und uf de Tempel wo am Biindligott gwidmed esch ufe gloffe :).Read more