Puerto Escondito

Ich nänn de Post jetzt mol Puerto Escondito well ich hauptsächlich vo de Usflüg ih die Richtig schriibe obwohl ich immerno in la Punta gwohnt ha. Die neui Woche esch zimlich so wiiter gange wie die letschti. Mini Spanisch Lehreri hed gwächsled und ich bi jetzt ellei im Hostel gsii. Beides Surfe und Spanisch god vo Tag zu Tag chli besser 😄

Ich bi einisch ah Strand go Baby Schildchröttli frei loh. Die Organisation sammled Eier am ganze Strand ih und lohd sii denn im sichere Rahme frei. Gäg ehn Spänd vo 5.- bechunnd mer es eignigs früsch gschlöpfts Schildchröttli chas frei loh und probiere uf ehm Wäg is Wasser vo Vögel und Chräbsli z beschütze. Ich ha chli es verwirrts becho. Es hed ewigkeite brucht zum s Wasser gfinde. Esch immerweder umkehrt, hed plötzlich Chräbsli und anderi Schildchröttli verfogt - aber am Schluss heds es gschafft 😊.

Au de Chochkurs woni scho lang ha welle mache hani ändlich chönne organisiere. Ich bi am Morge früeh uf Puerto Escondito ah Märt. Det hämmer Zmorge gässe und denn alles für es feins Zmittag kauft. Ih de Chochi hämmer denn zwoi verschiednigi Salsas, Guacamole, Cevice und als Hauptgang ehn Moleverde zuebereited. Es esch fein und lehrrich gsii :)

Zuesätzlich bini no mol alleige uf Puerto Escondito ah Märt, uf Zicatella ah es Surftournier und einisch is Kino go "the Crimes of Grindelwald" uf Englisch (mit spanischem Untertitel) luege.Read more