Machu Picchu

So bald mer z Peru ahchonnd werd mer vo allne Iheimische nur gfogt: "Und wersch de Machu picchu go ahluege" wenn mer das bejaht händs richtig freud und verzelled wie gärn sie de mol wörded gseh. Das hed mer werklich Vorfreud gmacht.

D Areis esch denn au ned ganz unufwändig. Zerst bini mol 7h Bus gfahre. Denn nomol 2.5 am Bahngleis entlang is Dörfli Aqua caliente gloffe, det übernachted und am nöchste Morge am 4ri uf zum nomol ca. 1h deruf laufe und au jo pünktlich am 6i vor ehm Ihgang z stoh.

Wenn mer denn dinne esch, esch de Afang sehr toll! D Ussicht esch mega schön und ich ha ehn Guide gha wo no paar interessanti Sache verzellt hed. Mit de Ziit eschs aber immer stränger worde am Guide (wo mit sehr starchem Akzänt englisch gredt hed) zuezlose. Es chömed meh und meh Lüüt. Mer döf nor ih ei Richtig laufe was dezue füehrt dass immer wenn öbber vor eim es Foti wott mache alli mönd stoh bliibe und das passiert viel! Mer merkt ich ha mich chli afo närve. Zum Glück han ich no ehn einigermasse ruhige Platz gfonde wo ich ehn Momänt ha chönne abhocke und chli umeluege. Wo ich denn dusse gsii bin bini aber ächt au froh gsii all dene Mänsche z entcho. Ich bin weder de ganz wäg zrug gloffe und bi mit ehm Bus no am glliche Tag zrug uf Cusco.Read more