Titicaca See

Anschinend mösst mer das richtigerwiis Titikaka mit Betonig ufd "k's" usspräche 🤭. Uf mim Wäg richtig Bolivie hed de Bus zwoimol am Titicaca See (Puno & Copacabana) ghalte und ich ha d Möglichkeit gha mit ehm Boot use z fahre.

Vo Puno us simmer zu de floating Islands. Uf ehm Wäg hed üs de Guide erklärt dass das sälber ufgschüttedti Insle sind wo d Lüüt no uf eifachsti Wiis läbed und schier alles us Schilf möched. Det ahcho eschs aber meh drum gange üs ergendöbbis z verchaufe als üs ihri Läbensart z zeige - ergendwie ja au verständlich die Lüüt läbed schinbar nor vo de Touriste und werklich viel chömed ned. Ich ha probiert mich mit eim vo de Bewohner uf spanisch z unterhalte und ha so wenigstens no bizli öbbis usegfonde. Sie ernähred sich uf de Insle hauptsächlich vo Fisch und zwöschedure chli Riis aber das sig zimlich es luxus ässe. Uf einere vo de Insle händs sogar ehn Primarschuel wos d Chind au no ih ihrere eignige Sproch (ned spanisch) unterrichted.

In Copacabana simmer denn uf ehn Insle wo mer ca. 1h ehn Rundwäg cha laufe. Es hed guet do nach dem viele Busfahre chli d Füess z verdrampe und d Ussicht über de See hed mich sh Deheime erinnered!Read more