Nikko

Zum nach dere Grossstadt weder chli Rueh z ha bin ich vo Tokyo zwoi Stund ih Norde id Bärge gfahre - mit minere Idee am Summer noche z reise esch es jetzt aber werklich verbi 😂.

Nikko esch es mega härzigs Dörfli mit ehmene "world heritage" Tempel und ehmene Nationalpark ih de nöchi. Die meiste Lüüt chömed im Herbst zum die schöne Bäum gseh oder söscht nur för ehn Tagestrip vo Tokyo. So eschs cho, dass ich de einzig Gast i mim Hostel gsii bin und au söscht schier kei "ned Japaner" gseh ha. Das ha ich aber mega gnosse! D Lüüt in Nikko chömed mer no viel fröndlicher vor als die in Tokyo und sie läbed eher no nach alte Traditione.

Ah mim erste Tag bin ich mit ehm Bus chli ih Bärg ufe gfahre zum go wandere. Ich bi gäg de Schluss ganz alleige im Bus gsii und au uf de Wanderig ha ich nor ab und zue weder öbber troffe. Es hed teilwiis rächt Schnee gha - das hed mich chli überrascht, esch aber unglaublich schön gsii! Ich ha d Rueh und d Landschaft sehr gnosse!

Am nöchste Tag bin ich denn weder chli meh am Touristepfad noche. Ich bin Tempel in Nikko go ahluege. De ersti wo ich ahgluegt ha esch ergendwie ned so beliebt gsii. Mer hed er mega gfalle! Vorallem well er so zmitz im Walt inne gsii esch! De zwoiti Tempel wo ich ahgluegt ha ewch denn zimlich überloffe gsii. Ih dem gsehd mer s Bild vo de berüehmte drüü Äffli 🙈🙉🙊. Es esch au ehn mega schöni sehr prunktvolli Tempelahlag gsii! Aber die viele Lüüt händ mich halt chli gnärvt.Read more