Taipei

Mini erste 4 Täg in Taiwan han ich ih de Hauptstat verbrocht. Ich freu mich voll fest, ehn Monet Ziit zha zum das Land erkunde - au wenn ich eigentlich ned viel dröber weiss. D Sprochbarriere werd definitiv ned ganz eifach sii aber die extremi Fröndlichkeit und Hilfsbereitschaft vo de Lüüt hilft die z überwinde.

Ich ha in Taipei es paar Nachtmärt bsuecht und ha mich dur so viel Streetfood wie möglich probiert. Ich bi mit es paar Lüüt vom Hostel im Nationalpark ih de nöchi vo de Stadt go wandere. Ha ah ehnere Altstadt und ah ehnere Tempel Walkingtour teilgnoh und ha so öbbis über Gschicht vom Land und de Glaube vo de Lüüt glehrt. Bi mine Stadtspaziergäng hani de Taipei 101 Turm, sun-yat-sen Gedächnishalle, de Peace Park, d Ximen Shoppingstross und vieles meh gseh.

Näbebi hani no chli probiert mini Route z plane. D Idee esch jetzt gäge Uhrzeigersinn einisch um d Insle ume z reise. Das nöchst Woche relativ viel rägned hani so zerst no es paar grossi Städt und Kultur und gang denn am Schluss zu de schöne Stränd und Nationalpärk 😊Read more