Satellite
  • Day 265

    Tschau Taiwan

    April 25, 2019 in Taiwan ⋅ ⛅ 28 °C

    Mini letschte paar Täg in Taiwan hani nomol ih de Hauptstadt verbrocht und ha alles unternoh was ich bim erste Bsuech ned gschafft ha.

    Ich ha s Dorf vo de Latärne bsuecht und bi vo det zu ehmene Wasserfall gloffe, bi ah no meh Nachtmärt, ha Souvenirs kauft, ehn Spaziergang am Fluss entlang gmacht und mer mini Zuekunft ih ehmene Tempel loh vorussäge.

    Ah mim letschte Tag esch d Emma (ich ha sie ganz im Süde känne glehrt) ahcho. Mit ihre bini ah ehmen lokale Märt go Fisch ässe und mer sind ihs Alice im Wonderland Kaffi. Als Abschluss bini denn no uf de Elefant mountain gloffe, ha de Sunneuntergang gluegt und mich vo Taiwan verabschiedet 😊
    Read more