Tag 6: Nakuru Nationalpark

Was för ehn intensive Tag! Scho am 06.15 Uhr simmer abgholt worde zum uf Safari go. Mer sind denn Stunde lang dor de Nationalpark gfahre und händ vorallem nach Rinos und Flamingos Ussicht ghalte - mit Erfolg. Au ehn grossi Affefamilie hämmer chönne beobachte! Eine vo dene schlaue Dinger hed üsi Abglänktheit aber usgnützt und esch über s offnige Dach is Büsli gumped - das esch ehn zimliche schock Momänt gsii 😂. Üse Fahrer hed aber nur sini Steischlüderi müsse zeige und de Aff hed sich schnell verzoge. S Video wo üsi gschockte Gsichter zeigt sorgt aber bi jedem Mol luege wieder för Lacher.

Am Mittag hämmer ih ehmene Hotel zwoi Stund pause gmacht, händ üs im Pool chönne abchüele und erfrüschendi Getränk gnüsse. Nach dere sehr nötige Pause hämmer nomol guet 3 Stund im Park verbrocht. Mer händ vorallem Leoparde gsuecht händ höt aber leider keine Gfunde.

Zrug uf ehm Campingplatz hed üse Guide de Peter scho es super Znacht parad gha und denn simmer alli tod kaputt is Bett gheit.Read more