Satellite
Show on map
  • Day 296

    Tag 7 - 8: Waisehuus und fahre

    May 26, 2019 in Kenya ⋅ ⛅ 22 °C

    Und scho esch es weder Ziit Kenia z verloh und üs uf de Wäg richtig Uganda z mache. Mer händ d Fahrt über Gränzi uf Jinja uf zwoi Täg ufteilt.

    Am erste Tag simmer 4h gfahre und händ no ehn Zwüschehalt ih ehmene Chinderheim ihgleid. Üsi Guides händ üs vorhär gfrogt ob mer wähled go und händ au klar gseid, dass sie falls mer gönd wärded ehn Spänd erwarte. Es funktioniert also so dass d Heimleiteri üs umefüehrt und über ihri Arbeit mit de Chind verzellt. Denn hämmer Ziit zum mit de Chind spiele und üs z Unterhalte. Währed de Spielziit döfe mer zu ihre is Büro wo sie Chetteli wo d Chind ih de Ferie möched verchaufed und Spände jeglicher Art (also au Stifte, Chleider, Ässe oder was au immer mer wott gäh) entgegä nähmed. Ziit wo mer mit de Chind verbrocht händ hed richtig Spass gmacht! Sie händ sich gfreut so viel Ufmerksamkeit z becho und händ eifach alles ah üs spannend gfunde. Au d Erklärige vo de Heimleiteri hed zeigt dass sie ehn gueti Arbeit leisted und mer händ alli gärn öbbis dezue biitreid dass die Arbeit cha wiiter go.

    De Mäntig hämmer denn im Bus verbrocht. D Fahrt esch über 7h gange, dezue simmer no ca. ehn Stund ah de Gränzi ahgstande. Es esch aber gliich ehn lustige Tag gsii! D Landschaft esch wunderschön zum ahluege, mer fahrt immer wieder dor chlini Dörfli wo eim d Lüüt fröhlich zuewinked und mer chli öbbis vom Alltagsläbe cha beobachte. Au mit de Lüüt im Truck hanis werklich lustig gha. Mer händ üsi gmeinsam erstellti Mitsing-Playlist, spieled Dänkspieli oder probiered üs chli Suaheli bizbringe ☺️.
    Read more