Satellite
Show on map
  • Day 316

    Tag 26 - 27: Geburtstag unterwägs

    June 15, 2019 in Tanzania ⋅ ⛅ 28 °C

    Am Obig nach ehm Ngorogoro Karater hämmer 9 neui Tour Mitglieder troffe wo bis uf Kapstadt wärded bliibe. Mit ihne esch de Truck jetzt bis uf de letschti Platz gfüllt gsii und mer händ zwoi langi Fahrtäg ih Ahgriff gnoh. Die viele Lüüt möched Ziit im Truck chli weniger gmüetlich und einiges lüter.

    Am erste Tag simmer 9h gfahre und händ uf ehm Campingplatz ahcho nur no gchoched, chli gredt und sind denn früeh go schlofe.

    Ah mim Geburtstag bini denn früeh ufgwacht zum d Charte läse wo mer d Larissa mitbrocht hed und ha mich mega gfreut öbbis vo Deheime ih de Hand z ha 😊. Bim Zmorgä händ mer alli flissig gratuliert und denn eschs zrug ih überfüllti Truck gange. D Fahrt esch lang gsii aber ich has zwüschedinne gschafft s Video mit allne Gratulatione abezlade und ha so fest freud gha! Cirka am 5i simmer de in Daressalam ahcho. Det hämmer schnell üses Züg för die nöchste Täg in Zanzibar packt und sind denn is Meer ghüpft. Es esch wunderbar erfrüschend gsii 😄. Nacher simmer no chli ih de Bar ghocked bis denn üses Meeresfrüchte Buffet parad gsii esch. Nach ehm Znacht hed mich üse Guide de Peter mit ehmene sälber bachede Kueche und ehnere vo allne unterschriebnige Charte überrascht 😍. Ich ha mich so gfreut! De Geburtstag am Meer werd mer sicher in Erinnerig bliibe.
    Read more