Tag 35 - 37: Lake Malawi

Mer händ drü nächt uf ehmene Campingplatz am See verbrocht und händ chönne mache was mer wänd.

Ich bi am erste Tag uf ehn Tour dors Dorf wos üs viel über s Läbe und Kultur vo de Lüüt do verzellt händ. Mer händ de Brunne, d Schuel unds "Spital" ahgluegt. De Fakt, dass sowohl s Spital als au d Schuel werklich um jedi Form vo Spänd bitte händ, (also au Stifte, Moslitonetz oder übrig bliibnigi Malariapille) hed üs no meh zeigt wie fest sie tatsächlich uf Hilf ahgwiese sind.

Am Nomittag hämmer es Ruederboot gmieted und sind zu de chline Insle diräkt vor ehm Campingplatz paddled. Det simmer im Lake Malawi (de See mit de wältwiit grösste population ah tropische Fisch ih Süesseasser) go schnorchle.

De zwoiti Tag han ich nüt gmacht. Ich bi nor ih de Hängematte gläge, ha gläse bi chli go schwimme und ha mit de Lüüt gredt. Ich ha mer au no es Bild loh zeichne vo de Lüüt wo üs amVortag dors Dorf gfüehrt händ - das esch es tollsSä Souvenir und ged de Iheimische gliichziitig es Ihkomme.Read more