Tag 62: Damaraland

Am Morge hämmer ehn churze Stop bi ehmene Dorf vo ehmen afrikanische Stamm ihgleit und händ so Ziit gha die spezielli Kultur känne z lehre. Sie händ üs ganz stolz ihri traditionelle Chleider und Hüüser zeigt, händ üs ehri spezielli Art sich z wäsche zeigt und üs vieles über ihre Glaube verzellt. Vorallem interessant eschs wäsche gsii. Sie bruched kei Wasser sondern raüchered sich ih und bestriiched sich mit rotem Schlamm.

Nacher simmer wiiter gfahre und sind denn so am 4ri ah ehmene Ort mit riesige Felse zmitzt im Nüt usse ahcho. Det hämmer chönne ufe chlätere zum de Sunneuntergang luege. De Luca und ich sind no go Hölemolereie ahluege. Die Nacht hämmer üses Zält ned uspackt. Mer sind diräkt mit ehm Schlofsack uf de Felse gläge und händ d Stärne betrachted ☺️.Read more