Currently traveling

Camping Österreich

Vom Lauerzersee zum Neusiedlersee
Currently traveling
  • Day1

    Auf geht's

    July 18 in Austria ⋅ ⛅ 21 °C

    Hüt isch äs los gangä, eigentlich än Tag zfrühä... egal. Vo Goldau über dä Rothenthurm, noch Sargans, Feldkirch und dur dä Arlbergtunel nach Imst. Leider isch dä Activ-Campingplatz in Imst scho bsetzt gsi, dä nätti Campingwart hät üs churz än andärä Platz öppä 10 km wiiter reserviert. Für ei Nacht, grad rächt.Read more

  • Explore, what other travelers do in:
  • Day4

    Chlini Wanderig

    July 21 in Austria ⋅ ⛅ 17 °C

    Dä Silas isch wiä wild am Bike... mir machäd mit äm Rägeschirm ä chlini Wanderug... Mir folgäd am Schild zur Fordthofalm... da stunsch nid schlächt, wenn statt bi ä rä Alm, vor äm ä Luxushotel zmitzt uf dä Alp stohsch.

  • Day4

    Fieberbrunn Tirol Camping

    July 21 in Austria ⋅ ☁️ 21 °C

    Am Frytig reisten wir nach Fieberbrunn zum Camping Tirol. Am Samtig erkundät mir dä Bikepark in Leogang. S‘Wätter isch bis jetzt sunnig und heiss gsi... ja gsi, dänn hüt Sunntig rägnäts... und ab hüt isch dä Silas im Bike-Camp...

  • Day5

    Wanderung zum Wildseelodersee

    July 22 in Austria ⋅ ☁️ 17 °C

    Vom Camping diräkt zur Seilbahn, dänn ei Station ufäfahrä... und ab jetzt heissts laufä. Vo dä Streuböden Alm über den Lärchfilzkogel zum Wildseelodersee. Dobä a cho häts äs feins Z‘mittag gäh... Spinatknödel mit Salat und äs chüels Weizäbier😋
    Dä Abstieg zu dä Streuböden Alm isch schön i Füüdlibaggämusklä gfahrä... däfür hät dä Wird vo dä Alm ä „Schnappsel“ spendiert.Read more

  • Day6

    Schiki miki Kitzbühl

    July 23 in Austria ⋅ ☁️ 15 °C

    Gester händ mir än gmüätlichä Tag gmacht. Mir sind mit äm Zug uf Kitzbühl. Natürlich zum „Hanenkamm“ Dörfli hät üs nid no gfallä, meh, wägä dä SchikiMiki Lüüt. Wiä scho gseit sind mit mit dä Bahn zum Start vom Rännä gfahrä. Mer hät di ganzi Rennstrecki chönnä ablaufä, üs hät dä Start glangät. Dä Zuäfall, dä Dominik Paris isch grad au no dobä gsi...😜Read more

  • Day7

    E-Bike Tour

    July 24 in Austria ⋅ ⛅ 28 °C

    Hüt isch wider Sport a gseit gsi... Mit äm Bike zum ä Berg, wo mir vom Wohnwagä us gsehnd. Los isch äs ganz gmüätlich gangä, Richtig Hochfilzen, dänn witer Richig Pillersee... dänn isch äs obsi gangä 550 Höhämeter. Uf äm Gipfel häts äs chüäls dunkels Weizäbier und äs Znüni gäh. Dänn ab uf Abfahrt... fast am Schluss häts mich „abtischät“, dobä han ich no gseit... Schonär wärid nicht d schlächt... janu... Schlussäntlich häts 35 km gäh.Read more

  • Day9

    Vo dä Bergä is Flachland

    July 26 in Austria ⋅ 🌙 24 °C

    Gester am 8.00 h sind mir im Camping Tirol abgfahrä. Dur vier, füf östrichischi Bundesländer und sogar no äs Stückli dur Düütschland. Äs isch enorm heiss gsi, Östricher händ sogar ä Azeig, wiä heiss Autobahn isch😂 (52 Grad) Um di drü sind mir dänn im Camping Poderdorf a cho... dä Silas hät gmeint, gseht us wiä in Italiä, nur hal uf Öschtrichisch. Würklich schön hiä.Read more

  • Day11

    Velotag

    July 28 in Austria ⋅ ⛅ 20 °C

    Hüt isch nid no guäts Wätter... drum gits äs chlises Velo-Erkundigs-Tüürli. Da es hiä soooo flach isch, gits au kei grossi Sturtzgfahr🤪.
    Mir sind bis Neusiedel am See gfahrä und händ det äs Apero gnossä. Uf äm Retourwäg isch dä än altä Traktor mit äm ä Ahänger näbem Velowäg standä, und bim duräfahrä häts töönt, wiä frühner in Obersaxä bim Leo... nur dass er hiä Herbert heisst. Mir händ mal mit äm Gspritztä a gfangä... sind dänn mit zwei Iheimischi is Gspöch cho, und so isch Rundi um Rundi gfallä. Da mir ja no vor händ i Stadt uf Wien z gah, händ mir diä drüü grad chli über Gheimtipp usgfragät... hät sich voll glohnt.Read more

  • Day12

    Wien

    July 29 in Austria ⋅ ⛅ 21 °C

    So nun isch äs los gangä uf Wien, natürlich wiä äs für üs ghört, mit äm Zug. I guät ä rä Stund sind mir im Hauptbahnhof in Wien gsi. Mir händ Tips befolgt und sind is Schwarzä Kameel go Zmörgelä. Voll läcker und edel gsi. Witer sind mir chli dur Innästadt und zum Prater ( Riesenrad). Bald händ mir scho wieder hunger gha... nätürlich uf äs Wieäner Schnitzel und ä Sachertorte mit Schlag-Obers😜 So schnell vergaht än Tag in Wien... scheeen gsi!Read more