Das wird ez viellicht chli kitschig...

Noch 6 Wuche hanis endlich gschafft, mi vu dem gewaltige Pai-Magnet z löse. Während de Busfahrt noch Chiang Mai isch es mega starchs gfühl vu Melancholie und Dankbarkeit i mir ufchoo. Ez erst realisier i, wie einzigartig die Ziit in Pai für mii gsii isch. No nie i mim Lebe hani d Möglichkeit kaa, mi selber für so e langi Ziit unigschränkt chöne z entfalte. Dank all dene supertalentierte und lustig-vespielte Mitglider vum Medicine-Circus hani im Bereich Flowarts und Performance e riise Entwicklig gmacht. Zusätzlich hani im Pai RiverJam Hostel so viel wunderbari Mensche dörfe kenne lerne mit dene i so viel unvegesslichi Augeblick teilt han. Die ganze guete Vibes sind e riise Inspiration für mii gsii und es isch mega, dassi so viel Motivation und Kreativität für die Reis wo ez no vor mir liit han chöne tanke.
Ez gohts erst mol wieder wiiter uf Vietnam und denn mol luege, wos ane goht...aber wird worschinli ned s letst mol Pai gsii sii 😀

Paipai, bye! ❤Read more