Valbona!

Üsä Plan i Kosovo izreise isch leider ned ufgange.. Grund ke gagg-Coronatest u o ke Luscht uf irgendwelchi Schmierereie..
Drum simir halt umi via Mazedonie u Albanie ids Valbonatal gfahre.
Valbona isch es Bärgtäli verglichbar mitem Gasteretal. Steilabfallendi Felswänd, e wunderschöne Fluss u viil Föhrewald.
I dere wunderschöne Natur himir 3 Nächt ire Waldliechtig verbracht. Mir 2 schöni Wandrige gmacht. Leider isch d Fernsicht wägem Saharastub ned super gsi. Am Abe himir üs du mit früschem Wasser vom Bach gwäsche, gfüüret u d Natur gnosse. Die letzte 2 Nächt isch o no ä 5 chöpfigi dütschi uswanderer Familie mit ihrem offroad Sprinter näbä üs gstandä. Mit ihnä hi mir viil gueti Gspräch gha u si inspiriert worde vo ihrne spannendä Reisegschichtä. Hüt fahre mir Richtig Shkodra. Wettervorhersage: Sonne mit 41°C - heiss:)

Bilder:
1. Wunderschöni Fahrt nach Valbona
2. Stellplatz im Wald
3.-5. Schnappschüss vo üsne Wandrige
6. Bade-/ Waschplatz:)
7. Aussichtspunkt. Mir hi viil Bärge gseh, wo üs bekannt vorcho si.Read more