May - June 2021
Currently traveling
  • Day37

    Sunnäschiin trotz Rägä

    Yesterday in Macedonia ⋅ ⛅ 19 °C

    Üsä erst Idruck vo Mazedoniä het sich definitiv bestätiget! Z'Wätter isch zwar ned so guet. D'Menschä hiä machä das aber mit ihrer gastfründschaft u härzlichkit allemal umi wett! Praktisch überall wo mier härä chömä wärde mier mitemä Lachä begrüesst, igladä u beschenkt. Ned numä d'Menschä hiä hi üüs positv überrascht o d'Natur isch ifach wunderschön. Äs git unzähligi mit Wälder bewachseni Bärge u abglägni Täler. Mir hi Stunde drmit verbracht mit üsem Gödi d Landschaft z'erkunde u gah z wanderä! Lut dä Lüt hie sölls o viil Brunbäre u anderi Wildtier gä. Leider himer aber nume es paar Gemschi u e Bäregagel xeh:)
    I Erinnerig blibe wird üs dr Abä vom Spiel Mazedonie-Österrich. Mir hi dä mit Ihimische gugget, wo ordentlich Stimmig vorem Fernseh gmacht hi.
    We ds Wätter mitspielt göh mir am Donnstig ufe Ljuboten (Berg a dr Grenze zum Kosovo)
    Bilder:
    1. Ohrid vom Schiff us.
    2. Stellplatz im Bäregebiet
    3. Wanderig im Mavrovo Nationalpark (oh hiä het's no Schnee)
    4. Mavrovo Nationalpark mal mit Sunnä
    5. Fuessballbekanntschaft-am Abä Bier u z'Ässä u am nächste Tag ä Zahnkontrollä u Glacä spendiert übercho.
    6. Matka-Canyon
    Read more

  • Explore, what other travelers do in:
  • Day32

    Goodbye Albania, Hello Macedonia

    June 10 in Macedonia ⋅ ⛅ 22 °C

    Nachemnä Monet z Albanie, hi mier üs hüt Morge vo Albanie vorübergehend verabschiedet u hi d Grenze nach Mazedonie überquert! Erst Idruck sehr positiv! Suberi Stedtli, fründlichi Lüt u ging no relativ günstig.
    Bilder:
    1. Dr inzigst "Skiresort" in Albanien
    2. Interview mit Euronews Albania über üses Ferieabentür.
    3. Stadt Korca vo obä.
    4. Ohrid See
    5. Ersti Besichtigung z Mazedonie: Kloster Sveti Naum
    Read more

  • Day30

    Gödi goes off road

    June 8 in Albania ⋅ 🌧 15 °C

    Nach zwe Zwüschestops in Berat (Stadt der 1000 Fenster) und Permet (warme Schwefelquellen mit schönem Canyon) si mr gester imnä ehemalig Höhekuurort glandet. D'Strasse u z'Wätter richtig Nordmazedonie wärde tendenziell ging schlechter u mä muess bim Fahre toll bir Sach si! Bsunders wemä Lastwägä chrützt oder umi mal Vicher uf dr Strass si:)
    Hüt simer du mitem Gödi no chli siner Grenzenä ga teste u für das simer zimli id Bärge uechi gfahre!

    Bilder:
    1. Berat by Night
    2. Blick über z Vjosatal
    3. Verchehr uf albanisch
    4. Stellplatz uf 1700m.ü.m (z'Käthi füehlt sich dahiimä, dr Remo het chalt)
    5. Gödi goes off road
    6. Äs Rägnet was abä mag... Wasserabflusssystem Fehlanzeige!
    Read more

  • Day25

    Urlaub in Tirana mit deutschen Freunden

    June 3 in Albania ⋅ ☀️ 23 °C

    Insgesamt drü Täg verbringe mier ufem Camping Tirana mit dr Famile Berthold wo mir z Himare hi glert kennä. Ufem Campingplatz Tirana hi mier viil bädlet, Kajak gfahre u ds Zämäsii gnossä. Mitem Taxi hii mr ä Usflug nach Tirana gmacht Fazit: Totals Verkehrschaos, sehenswärts Zentrum aber i es paar Stund hesch da alles gseh.
    Bilder:
    1. Camping Tirana diräkt am See
    2. Wär siit wos düri giit?
    3. Familie Berthold mit klein Oski(Oshkür)
    4. Albanischer Tour guide in Tirana
    5. Touris vor einer bekannten Statue
    6. Tirana aus der Höhe
    Read more

  • Day22

    Über Gjirokaster nach Tirana

    May 31 in Albania ⋅ ☀️ 23 °C

    Nach viil Meer isch's für üs Richtig Innland gangä. Mir hii ufem Wäg nach Tirana ds Stedli Gjirokaster agugget u irä Festig übernachtet. Z'Käthi het no Glägehiit gha ärä Büürin bim Schafmälchä gah zuezguggä.

    Bilder:
    1-4 Gjirokaster inkl. Nachfahre von Ali Pash(a)
    5. Bürin i dä Gummischlarpä am mälchä
    6. Üsi Festig
    Read more

  • Day21

    Ab in den Süden

    May 30 in Albania ⋅ ⛅ 20 °C

    Nach üsnä Feriä ufem Camping si mir itz ca. ä Wuchä am Meer entlang i Südä vo Albanie gfahrä. Dank däm dases hiä no Vorsaison isch, hii mier viil Stränd, gueti Stellplätz u Sehenswürdigkiitä ganz für üüs gha wos im Summer älwä numä so wimmlet vo Touristä. Mier hi i därä Wuchä viil schöni Wanderigä, Sunnäundergäng u Historischi Rouinä erläbt. Itz hii mr aber z'Beach-Life chly gseh u üüs (vor allem z'Käthi) ziehts umi id Bärgä...
    Viil warmi Grüess us Ksamil

    Bilder:
    1. Festig vo Borsh
    2. Wanderig zum Krorez Strand
    3. Chloster Kakome
    4. Stellplatz ufem Ussichtspunkt ob Saranda
    5. Sunnäundergang bim Mirror Beach
    6. Sexy Typ wo sich zuegang zur UNESCO Weltkulturerbe Butrint het wellä verschaffä ( hetter ned ganz gschafft drum ha ig nä nähr mitgnoh;))
    Read more

    Judith Wyssen

    Sooo schön u gniesset eui Zit isch einmalig! Lg Judith

     
  • Day16

    On the Road again

    May 25 in Albania ⋅ ☀️ 25 °C

    Nach 11 Täg im "little Paradise" hi mier nachemä fantastische letschtä Abä mit live Konzärt u after Party üses Lager abbrochä u hi üüs vo all dänä liebä Lüt wo mr hie hi kennä glert verabschidet. Itz giit dr Ärnst vom Läbä umi los;).
    Mir tuckerlä mitem Gödi gmüetlig ar Küste entlang gägä Südä. Z'Wätter wird ging wie wermer. Z'Meer blibt aber dank em Schmelzwasser us dr Schwiz no grad ä chly chüehl..
    Sunnigi Grüess
    Read more

    Timo Büschlen

    Ein Prachtskerl der Remo

     
  • Day13

    A Million Stars Hotel

    May 22 in Albania ⋅ ☀️ 21 °C

    Nach zwe gscheiteretä Versüech wäge z'starchem Wind si mr gester Namittag mit Sack u Pack loszottlet zumenä einsame Strand. Dert hi mr badet, gfüüret, gchochet u versuecht z'schlafe;) . Am Morge am 6i si mr de definitiv erwachet will üses Camp fasch isch gfluetet wordä:). Mir hi üs de ufä Hiimwäg gmacht u hii im Gödi no chly schlaf nachi gholt.Read more

    Marc Grossen

    Nehmt das nächste Mal einen Sipper mit, der die Gezeiten (Ebbe / Flut) kennt. Zum Beispiel mich 🤪. Ich bin derzeit in Pula.

    Anita Allenbach

    däm seit me abentür pur...😉Häbet sorg Grüessli us dr rägeriche schwiz

    Lea Rohrbach

    Hey, mega ä coole Strand 🏖🌴 🍾🥂😎🐟🐠☀️🌊 bi sicher die Nacht wärdet ihr nie vergässe 😉 Ganz äs liebs Grüessli us dr chalte 🇨🇭😬

     
  • Day10

    We found little Paradise

    May 19 in Albania ⋅ ☀️ 20 °C

    Mir hi ä Wuchä Erholig gsuecht u äs chlyses Paradies atroffä. Sid ärä Wuche si mir ufem Campingplatz Kranea in Himare u gniessä z Meer, Erholig, guets Ässe u gueti Gspärch mit interessantä Lüt. Morn wage mr es chlises Abentüür u göh amne einsame Strand gah biwakierä.
    Liebi Grüess usem wunderschönä Albanie
    Read more

    Judith Wyssen

    Meega schön gniesset eui Zit lg Judith

    Erika

    Oh do über chumi grad Fernweh 😊 schöni Foti 👍

    Petra Büschlen

    schynbar isches nid nume ds Italie schön 😎😗 heits ganz schön !!!

     
  • Day3

    We did it!!!

    May 12 in Albania ⋅ 🌧 17 °C

    Hüt am Morgä i aller Früechi si mier vo Triest uus mitemä mulmigä Gfüehl in Richtig Albanie losgfahre. Mir hii zwar scho ghört, dases sött müglich si ohni Covid-Test dür all die Länder z cho... Aber sälber das usprobiere isch de doch chly ä anderi Gschicht.
    Nach sächs Grenz überquerigä u sächs Mal fasch i d'Hosäbislä vor ufregig (vor allem dr Remo;)) si mier nach 15 Stund Fahrt zfridä z Albaniä acho. Zwar hii mier iinisch ar Grenzä zu Bosnie müesse chehrä fürä ander Grenzübergang z näh... Hi itz aber am iigetä Liib erfahre dases Müglich isch ohni Gagg-Corona-Test z'Reisä...
    Fazit vor Fahrt: Underwägs gseht mä fasch keni Touriste... Mir fröie üüs drum über Jedä/Jedi wo üs würd cho bsueche...
    Morn giits ab i Südä a Strand gah entspannä nach där ganzä Ufregig.
    Read more

    Lea Rohrbach

    Mega schön ☀️🌴🐬🐟🐠

    5/16/21Reply