Donair, Pier21 und endlich: Lunenburg

Am Mäntig hämer en sehr entspannte Tag gha, mer hend s Pier 21 Museum bsuecht. Das isch s Pier wo vili lüt wo nach Kanada usgwanderet/gflüchtet sind acho sind i früehnere ziite. S Museum teigt sehr iidrücklich wie sehr die Nation vo Immigrante abhängig isch. Im Aschluss simmer churz ide Garrison Brewery gsi (nöd z empfehle) und den s typische Halifax Fast Foos go probiere: Donair. Und nei, sie schriibet nöd eifach Döner falsch, die beide Sache hend zwar Ähnlichkeit sind aber doch sehr verschide. Donair isch praktisch nur Fleisch, mit bitzeli Zwible, bitzeli Tomate und ere (zu) süesse Sauce. Janu, nach em Usgang isch das vllt gar nöd so schlecht. Am nögste Tag simmer den eeeendlich nach Lunenburg gfahre und das hett sich mega glohnt. Es isch es mega herzigs Fischerdorf mit fantastischem Esse (vorallem Seafood) und mega sympathische alte Hüser, natürlich simer au na i 2 local Pubs es Bier go ne. Am abig hemmer eus namal en Tisch Julep reserviert (das Resti mit de feine Gnocchi) und es isch wieder fantastisch gsi. Und nacheme Absacker ide Stillwell Bar ( Suurbier mit 49% Gewürztraminer verschnitte 👌) simmer au scho wieder is Näscht vore eusem letste Tag in Halifax.Read more