Ende gut, alles gut

De Alberto het mich den in Perth abgholt und zu mim "Adoptiv Dad" bracht. Uf dere Facebooksite hani postet dasi mich übere eh warmhärzigi Family wür freue wo mich vorübergehend bi sich ufnimmt. Da mer aber nie weiss ah was für Lüt mer gratet, het de Alberto offeriert mich detane zfahre und abzchecke 😉 Und er isch zrugg is Huus zu sine Kollege wo er vor eusem Segelabendtüür gsi isch.

Ich bin warmherzig empfange worde 🤗 en "ältere" Australier um die 50gi, wo bereits zwei französischi Backpackers bi sich het, und selte diheime isch het mer es Zimmer geh. S'Huus isch gigantisch, vorallem u suber, nach dem Bootserlebnis isch mer Suberkeit na viel wichtiger 😄 Er lebt imne Männerhuushalt 😂 es het ide Stube en riesige Billiardtisch und en Jacuzzi im Garte 😍 ich bin solang willkomme wieni möcht. Am Abig simer all zeme an Strand go de Sunneuntergang ahluegge. Han s'erst Mal chöne mitene 4 WD im Sand umedüse 🚘 OMG das macht soviel spass 😍 mer chans in etwa vergliche wenn mer im Schnee fahrt und chan schlüddere 😊

Was min Plan jetzt isch weissi au nanig. Am Sunntig wird drüber entschiede wie Western Australie zrugg in Alltag gaht nachem Lockdown. Ich han jetzt mal für 2 Wuche es Auto gmiete willi im Kaff use bin und zerst mal 1h muen laufe zum nöchste Lade 😅 Min chline Flitzer isch genial 😊Die kommendi Wuche isch nomale Beachwetter mit 28 Grad also weissi woni mini Zit wird verbringe 😊🏝☀️🌡Read more