Currently traveling

Quer dur Australien

Australien - das Land der Kängurus und Koalas 🦘🐨🇦🇺🌏✈❤😉🏝
Currently traveling
  • Day85

    Sturmwarning

    May 25 in Australia ⋅ 🌧 10 °C

    Back in Perth, wiederemale, scho richtig mis Diheime worde 😂😁

    Mir hend euse Roadtrip extra so planet das mer vorem grosse Sturm wieder zrugg in Perth si werdet.

    Es het mich ja schier furtgwindet 😅🌬 zudem isches scho ganz speziell das da Herbst isch und alli Blätter abegheied 🍂🍁🍃

    Han so müesse Lache; han sitere Ewigkeit das Boots Huus wele go ahluegge und hüt hanis endli gschafft. Aber woni ahcho bin gsehni das de ganzi Stäg wo'd normalerwis chasch druff laufe unter Wasser isch 😅 het glaubs biz fest gregnet 🙈 Han das Föteli in Familychat gschickt und den het min Dad gmeint, er hegi gnau sgliche Föteli im Blick gseh 😂😂😂 hans chum chöne glaube haha was füren zuefall
    Au hets z.B. eh Holzbrugg im Süde wo mir gsi sind und au na druff gloffe sind komplett umgno. De Sturm het Perth mit ca. 127 km/h erreicht.

    Ich bin aber wohl uf 😁 und de Tag het au ganz GUETI News bracht 🙏 Abem Fritig isch s'Reise in ganz Western Australia wieder erlaubt - FINALLY!!! 😍 Halleluja 😊 chans chum glaube, han echt en Freude-Rege-Tanz gmacht 😂 nach 2 Mönet chani endli das mache woni scho sit so lange wott. Also gats jetzt ab as plane 🚙😍
    Read more

  • Explore, what other travelers do in:
  • Day85

    Chocolate Factory

    May 25 in Australia ⋅ 🌧 12 °C

    Ufem Heiwäg vo eusem unglaublich schöne Roadtrip hemer na en Stop bide Schoggifabrik ihgleit ☺️😜 Die Praline wo sie da gha hend, han mi also mal qure duregesse 🙈😂 aber sone Chance het mer ja nur eimal, oder?

    S'ersti Mal nach Monate wo mer wiede imne Restaurant hend chöne esse 🥗🍔 irgendwie ganzes komisches Gfühl.

    Zrugg in Perth hani den es Gspröch gsuecht weg mim Matratze "problem". Es chan doch nöd si dasi nöd chan schlafe will de scheiss Plastik um die Matratze so knisteret. Het mi echt schier de Schlag troffe 😅 Sie het nur gmeint, ja d'Matratze segi neu und sie wett sie neu bhalte also nimmt sie de Schutz nöd weg! Ich bin echt sprachlos detgstande 🤔😯 Han mi gfühlt als weri im falsche Film 🙈🤦‍♀️. Nach langem hi und her het sie mir es Upgrade ahbote für 7Fr. meh pro Nacht ines
    Zimmer mit Balkon und eigenem Bad, WICHTIG! z'erwähne s'Bett isch OHNI Plastik gsi 😅. Finds lächerlich muess mer das erwähne, aber ja anders Land, anderi Sitte 🙏😂

    Au isches wiedrmal nöd süberste Airbnb. Alles wasi ide Cuchi ahlange mueni zerst abwäsche wills nöd suber isch. Ihgittt... 🙏 ohhhmm
    Au beobachtet sie mich immer vode Stube us wenni am Choche bin, macht mer scho chli Angst. Sie sitzt mengisch eifach im dunkle am Esstisch und seit nüt sondern sitzt eifach nur da - weisch wie bini verschrocke woni id Chuchi cho bin und s'Liecht ahzündet han. Zudem sind ihri Selbstgspröch sehr verwirrend. Han zum Glück nur für ei Wuche buechet 🙏 3 days left haha 😂
    Read more

  • Day84

    The sun goes down

    May 24 in Australia ⋅ 🌧 16 °C

    Es git nüt schöners als en Sunneuntergang 🌅😍
    Nachdem mer de letzti nur so knapp gseh hend (sind biz spat drah gsi) hemer hüt gnueg Zit ihberechnet. Mer sind 30 Minute vom Parkplatz her ufen Hügel ufegloffe und es het sich sowas vo glohnt 😍 luegg die Ussicht ah!

    Mit gnueg Bier, ere Flauschidecki und Musik hemers eus gmüetlich gmacht 😊
    Weisch wie bini froh gsi um mini warme Chleider, (han s'erst Mal Daunejagge ahzoge 😅) sobald Sunne am Horizont verschwunde isch hets ahgfange winde 🙈

    Mer seit dases die schönste Sunneuntergäng im Norde vo WA ahtrifft - chani nanig selber bestätige aber gli 😁 Und zudem sötts im Notde Tag und Nacht 30 Grad si - Sabi Temperatur ☺️😍☀️💁🏼‍♀️
    Read more

  • Day83

    Stachelrochen

    May 23 in Australia ⋅ ☁️ 22 °C

    Es witers Highlight würi meine 😊😍

    Die Stachelroche chömed eifach so an Strand go "Sali" sege 🙈😅 und ja mer chans streichle, han mi am ahfang nanig getraut gha, abr nachdems de Engländer gmacht het und sie ihn nöd gstoche hend hani die nette Gschöpf au gstreichlet 😂 wenns eim über'd Füess schwümmed isches richtig glitschig 😂 Aber eifach unglaublich!

    Heted de ganzi Tag chöne det verbringe, mer sind alli so fasziniert gsi! 😄 Au de Strand ah sich isch traumhaft gsi, luegg der mal die Farbe ah - eifach schönste Blau 😍
    Read more

  • Day82

    Lake Cave

    May 22 in Australia ⋅ ☀️ 18 °C

    W O W !!

    Ufem Programm isch eh unterirdischi Naturhöhli miteme See gstande. Han mis Muul nüm zuebracht vom stune 🙂

    Die Naturhöhli befindet sich 62 Meter unterem Erdbode - und ja es sich zimli chalt gsi det une 😂 hend extra warmi Chleider mitgno und bin so froh drüber gsi 😁

    D'Höhli isch ufgrund vo dem "Suspended Table" so berüehmt (Bild 4+5) Und zwar hanget de Tisch so vode Decki abe. De isch soschwer wie 2 Elefante - zimli schwer also 🤷‍♀️😅

    Bin also zimli gschaffe gsi nachem ufelaufe 😂 sind doch es paar Höhemeter gsi 🙈 Fitness für de Tag gmacht ✅
    Read more

  • Day81

    Roadtrip to the South

    May 21 in Australia ⋅ ☀️ 16 °C

    Endli dörf mer wieder umereise und los chans gah 🚙😊 Mir sind z'vierte gsi; de Engländer, eh anderi Schwizerin und de Stranger 😂 --> hend ufere Backpackersite uf Facebook en Post gmacht das mer öpert sueched, wo uf de Roadtrip mitchunt. Han zig ahfrage becho, dadrunter au zwei Nachricht wie; "sorry chan leider nöd uf de Roadtrip mitcho, abr du gsehsch na sympatisch us, hemer eus mal wele treffe" 😂😂🙈 Amüsant gsi abe nöd das wasi gsuecht han haha
    Hend den aber doch öpert gfunde wo Interesse am Trip gha het und da er doch scho paarmal im Süde gsi isch hend ganz vieli Insidertipps euse Trip unvergässli gmacht 😁

    De ersti Stopp hemer in Busselton gmacht, det gits en Stäg wo 1.7 km is Meer gat. Hend eus also uf de Spaziergang begeh 😊 hend es paar Delfin gseh 🐬 mis Herz staht jedesmal füren Augeblick still! Unglaublich 🤩 s'Wasser isch eifsch soo klar gsi.

    Witer isches zu Canal Rocks gange, det gseht mer die schöne Stei wo usem Wasser raged und d'Welle dranane schlönd. D'Farbe sind so einzigartig und het am Rusche vode Welle Stunde chöne zueluegge/lose 😄 Au da sind es paar 🐬 go Hoi sege cho.

    Zum Sunneuntergange hemers grad no knapp gschafft an bekannte und populare Surfer Point z'glange. 🌅 Es git nüt schöners für mich als miteme Bier de Sunne zueluegge wie sie langsam am Horizont verschwindet. Mer hend sogar eh flauschi Decki debi gha, damit mer eus schön hend chönr ihmumele 😊

    Gschlafe hemer imne Chalet ide nöchi vomne Wiiguet. Uf de Waid hets ganz vieli Tierli gha, am meiste fasziniert hend mich natürli Kangurus 🦘
    Miteme UNO hemer den euse Tag angschlosse, scho interessant wie jedes Land da so sini eigene Regle het 😂
    Read more

  • Day80

    Wo bini jetzt wieder glandet

    May 20 in Australia ⋅ ☀️ 18 °C

    Hallelujah 🙏 es git nüt wases nöd git. Strangi Unterkunft und zwar zeigt sich das ihdem, dassi ufere Matraze schlafe, eo immerno im Plastik ihpackt isch 😂
    Klar, es het es Linetuech drüber, aber es raschlet jedesmal wenni mich bewege 🙈 nurscho wenni schnuffe 😂😂
    Gane am wuchenend na goge es WG Zimmer ahluegge woni mal gspanne bin was mi den erwartet 😅😄 praktisch isch das da alles sehr churzfristig entschiede wird. D.h. mer chan Wohnigsverträg au nur für paar Wuche abschlüsse. Easy pisi 😄

    Han also wiedrmal packt bzw. probiert alles ih mim Rucksack verstaue, aber kei Chance gha 😅 bin z'viel goge shoppe🙈 aber ab nöchst Wuche chunts goge regne und sötti chalt werde vodem her wirdi sicher froh drüber si. (gueti Usred fürs schlechte Gwüsse 😂) Han gradmal all T-shirt und Hose in Rucksack tah und scho ischer voll gsi 😂🤷‍♀️ d'Schueh hanged na use am Rucksack das gat solang guet bisi mal wieder go Flüge gan. Apropos flüge ✈ wie lang ich scho ih keim Flugi meh gsi bin, vermisses uuu mega. Gseh au nur selte eis am Himmel, aber wenni eis gsehne freui mich wie es chlises Chind 😊

    D'stränd sind eifach u toll, isch hüt uuu windig gsi am Meer, im einte Moment chasches im Bikini gnüsse und im Andere nimmts dich schier furt 😂 so hani also immer was debi zum mich ihmumele.

    Die Wiifläsche chan mer für 2 Sache bruche, erstens dient sie super als Walholz 😂 und zweitens natürli zum trinke 😉 uf Idee muen mer cho hihi

    Was uf minere Reis ufjedefall glernt han isch feini Sache z'choche 😁 und im Zügle und packe bini au nöd schlecht, bruche scho meh als 2 Händ zum ufzehle, wie oft ich ide letzt 2 Mönet umzoge bin und trotzdem bini nanig wittercho Perth, chum zum glaube 😂😂
    Read more

  • Day78

    Nature trail

    May 18 in Australia ⋅ ☀️ 18 °C

    Isch ja langwilig immer am Strand go spaziere oder öpe nöd? 😅🤔

    Zur Abwechslig bini mal in Busch 😄 han mit de Kangurus versteckis gspielt, aber verlore willis nöd gfunde han 🦘😂 Isch unglaublich ihdrücklich die Natur da. Bi eus isch so zimli Spatherbst, d'Bäum hend also scho fast all ihri Blätter verlore 🍂🍁🌳

    Wit und breit hets kein Mensch gha wo go spaziere isch, scho fast unheimlich gsi. Bin mer den plötzlich unsicher worde ob mer da überhaupt durelaufe dörf. Was isch wenn mich es wilds Tier ahgrifft und verspiesst? Ja, mit so Gedanke kämpfi mich dur de Alltag 😅🤦‍♀️🙈😂

    Han de Usglich u mega gnosse, aber doch Sehnsucht nachem Meer gha 🌊❤. Drum bini ufem Heiweg den doch na churz an Strand🏖 Achhh..ich glaube ich muen irgendwo anezieh wos es Meer het 🏝 eifach traumhaft! Wett gar nüm hei 😅

    Im Moment bini min Trip in Süde am plane mit 3 andere Backpackers. 4 Lüüt und 4 verschiedeni Meinge und Interesse 🙏🙈 immerhin chömer nur in Süde also hemer d'Richtig schomal bestumme. Wii hend au all gern drum gömer sicher verschiedei Wineries go bsueche 🍷 und ja de Rest ergit sich irgendwie 😊😄
    Read more

  • Day76

    Surfing

    May 16 in Australia ⋅ ⛅ 19 °C

    Vor 4 Täg hani mini erste Surflektione für's Wuchenend buechet, abr hans erst chöne glaube wo's den würkli stattgfunde het. Han doch irgendwie befürchet sie chönteds ja glich no absege 🙈 Endli öpis chöne mache uf dere Reis woni unbedingt han wele ✅

    Und endli isches sowit 😍 bin richtig ufgregt und voller Vorfreud gsi 🏄‍♀️

    Am Morge am 7ni hani müesse abfahre willi ja im im middle of nowhere wohne 😅 wo Temperaturahzeig nur 7 Grad gsi isch hani mi echt gfröget wieso ich mir das ahtue 😂🤦‍♀️ han en dicke Pulli ahgha und Jeans, weiss nöd wenni zletzt so warmi chleider treit ha 😄 zum Glück hets bereits 17 Grad gha woni am Strand ahcho bin.

    Am ahfang hets ganz churz biz Theorie geh und den isches au scho ab id Welle gange. Hans also eifacher in Erinnerig gha😂😂 sind ez 3 Jahr vergange woni z'letzt ufem Surfbrett druffgstande bin. Han ihde erste 2 Lektione doch 3 Erfolgswelle gha wo mi alles vergesse lah hend 😊 5 Sekund stah OMG 🤩🏄‍♀️🙏 das Highlight 😂
    Turtle roll isch au witzig und sehr hilfrich gsi für de 2. Tag. D'Welle sind um einiges grösser gsi, zerst hani denk wuahhh so cool, das isch sicher eifacher, aber wenns mi amigs wieder gsmashed het hanis doch nüm so lässig gfunde 😋 Turtle roll = Wenn eh höchi Welle chunt; s'Bord drehie und unter de Welle duretauche, und wieder uftauche - hoffe dasd nöd wieder 5m witerzrugg gspüehlt worde bisch 😁

    Langsam chani d'Welle au "lese" und weiss wenns sich lohnt wie eh gstörti ahfange paddle 😂 es macht soviel Spass 🏄‍♀️ am erste Abig bini so kaputt gsi dasi am 7ni im Bett gsi bin und bisam andere Tag duregschlafe han 😂

    Schönste Gfühl isch eifach öpis chöne zgseh 😍 weiss na genau wie ich vor Jahre gstrugglet han mit de Linse und hüt isches eifach perfekt 😊 wennd mitem Surfbrett überd Welle "flügsch" und d'Auge chasch offe bhalte. Unbeschrieblich das Gfühl 🤩😊

    Jetzt mueni mi 1 Wuche erhole 😂😂 mini Ärm und au susch alles tuet mer weh. Für das isch de Jacuzzi perfekt 💁🏼‍♀️

    Mini ersti Buess hani au kassiert..manoo🤔😅🤦‍♀️ han am gliche Ort zweimal parkiert und s'ersti Mal kei Buess gha, aber s'zweimal scho 🙈 vorallem bisi mal gmerkt han dases eh Buess isch han irgendwenn en Zettel im Schieberwüscher gseh flattere bim fahre. Min erste Gedanke isch gsi, manooo schowieder sones doofs Werbezetteli 😂😂 Sabi live in Australie 🤦‍♀️💁🏼‍♀️ Den hets mi doch mega ufgregt und woni wieder is Auto ihgstiege bin bini echt uf de falsche Site ihgstiege also bim Biifahrer 🙈 ih 3 Mönet isch mer das nanie passiert 😂

    Am Wuchenend hani miteme Engländer abgmacht zum zNacht. Han ihn Pizza bstelle lah und gseit ich iss alles. Fehler gsi 😂 er het erstens eh pizza mit Ananas bstellt und zweitens nur EINI! ich teile ja gern, abr nöd wenni Hunger han haha und drittens heter na so komischi Sauce druff tah 🤦‍♀️😁 mer hets knapp chöne esse abr bevorzuge Olive separat und Ananas ghört eifach nöd ufd Pizza 😊 freu mich uf mis Venezia Resti wenni heichume 😍😊
    Read more

  • Day73

    I'm LOST

    May 13 in Australia ⋅ ☁️ 22 °C

    Hauptsach ich han gueti Fötelis 😍💁🏼‍♀️😊

    Bis jetzt hani jede Tag mis Ladegrät mit gno wenni mitem Auto weg bin, will mis Handy glichzit au mit Navi isch. Chasch der s'Endi ja denke 😂

    Han 100% Akku gha und gfunde ich bruche s'Handy hüt nöd würkli am Strand da ich mis Buech debi han.

    En Traumtag gsi, vorallem hets für eimal nöd gwindet 😊 han mini täglichi Yogasession am Strand gmacht und das hani nöd ihberechnet - es het mich soviel akku kostet 🙈 abr da ich ja susch amigs mis Ladegrät debi han und ich au dasmal denkt han dases im Auto isch, hani schön na Fötelis vom Sunneuntergang gmacht und Musik gloset 😄🌅

    Woni den im Auto gsi bin mit nurno 4% hani den bemerkt dasi doch keis Ladegrät debi han 🙈🤦‍♀️ han na churz chöne en Blick druff werfe woni ungefähr duremuen und bin de Wäg bereits eimal gfahre also chan das ja nöd so schwer si (hani gmeint) 😅

    Normalerwis het mer uf direkem Weg 20 Minute hei, und für das dasi keis Navi gha han bini mit einere Stund also na guet drah gsi 😂😂 han echt nüm drah glaubt dasi de Heiweh no finde. Vorallem ide Nacht gseht mer gar nüt und d'Strasseschilder hends sooo wenig 🙈 ab und zue bini eifach inere Sackgass glandet 😅 Da ja all Läde schowieder zue hend, isch 10 ab 6i gsi hani au nöd so eifach es Kabel chöne go chauffe 😅 hans aber voll easy gno und mir selber gseit wenni nach einere Stund immerno umeirre gani mal ane Tankstell und fröge um de Wäg.
    Irgendwenn hani den mal de Bahnhof erkennt, bin abr scho uf de Autobahnuffahrt gsi; also hani eh Ehrerundi gmacht. Und plötzlich bini wiedr amne Strand gsi woni vor paar Täg schomal gsi bin. Vo det us sinds na 12 Minute hei, also chans nüm wit si hani denkt 🙈 und den bini endli ah das Rundel anecho woni de Heiweg wieder gwüsst han 🙏
    Read more