It's raining in South Africa!

... finally we're allowed to shower again :) Hüt regnets doch tatsächlich in Südafrika, en grossi Erliechterig für das Land wo scho sit 7 Jahr en Dürri erlebt. Am Mittag simmer euses Mietauto ga hole, doch leider hemmer erscht relativ spat gmerkt as eusi Route via Chapman's Peak Drive wege Steischlag gsperrt isch... somit Planänderig und Schlechtwetterprogramm i dr Klein Constantia Winery. Da simmer sehr sympathisch und persönlich berate worde (sogar mit Empfehlige für die wiiter Reis de Küste entlang) und hend 5 Wii degustiert. Surprise surprise, eus het de türschti Wii, de offebar scho bi Napoleon und Jane Austen bekannti Dessertwii "Vin de Constance", am beste gfalle... gesagt, gekauft: für knapp 100CHF hets nid nur en Fläsche vu dem delikate Dessertwii gä, sondern nu 2 Fläsche liechte Rosé, en Fläsche-Verschluss und dDegu gratis derzue :)
Denn via es Bistro in Groot Constantia wiiter uf Simon's Town, die ältischti europäischi Siedlig am Kap. De Sämy het da es wunderhübsches Guesthouse gfunde (A Boat House), womer die einzige Gäst sind, mit complimentary Whiskey, Muffins und private Pool :)
Zitat des Tages: "We do sell beer, but only ginger beer. We also sell wine, but only wine gums..."*Read more