Mediocre Diving

Hüt hemmer euse erschti Tauch-Tag in Sri Lanka gha. DTauchbasis het geschter nu en ganz guete Idruck gmacht, das het sich denn hüt im Verlauf vum Tag chli gänderet...
Nacheme ganz churze Briefing simmer mitere Nussschale richtig Pigeon Island, enere chline Marine Reserve. Es het gheisse es heig nie Strömig und dSicht sig super... mer hend scho nachem erschte Meter under Wasser gmerkt as beides nid ganz wahr isch gsi. De eint Dive Master isch wohl au eher nu en Rookie, het am Instructor 3x fascht sMundstück usegschlage und isch sogar inen Koralle inegschwumme... de Instructor isch nid vil besser gsi, wo de Dive Master ihm starchi Strömig azeigt het, jet de chinesisch Instructor nur mimne Sesai Gruess gantwortet... :) schlussendlich hemmer eus gar nid an die besprochnig Route ghalte sondern sind ca. 200m vum Boot entfernt uftaucht... netterwis het eus sBoot vunere andere Tauchschuel ufglese und zu eusere Nussschale zruggbracht.
Nach ca. 15min Pause simmer scho zum zweite Tauchgang gstarted. Eus isch da scho vil wohler gsi, und mer hend au einiges gseh, wie zwei grossi Skorpionfisch und mehreri Muräne. Eigentlich hättemer nu zwei Blindgänger gseh selle, aber irgendwie hemmer die verpasst...
Da mer scho relativ früeh zrugg gsi sind, hemmer de restlich Namittag am Strand mit Fuulenze, Uno und Bierle verbracht - schön gsi wieder mal chli dZit zvergässe!
Btw, de Sämy het mittlerwile Stich-technisch mit dr Martina ufgschlosse... mer sind beid wortwörtlich vu Chopf bis Fuess verstoche... dMartina het 7 Stich nur scho uf dr linke Gsichtshälfti und de Sämy het 10 Stich ufem rechte Fuess...*Read more