First day of kitesurfing

Hüt hemmer euse erschte richtig sportliche Tag vu dr Weltreis gha. DMartina het scho am 7ni mit Yoga gstartet - de Sri Lankisch Lehrer isch super gsi, 1.5h später isch sie gräderet zum Zmorge ufchrützt.
Nachem Zmorge simmer mit de Boot uf die ander Siite vu dr Bucht gfahre und euses Kiteabentür isch gstartet. De Sämy und dMartina hend nur sMaterial gmietet, sind aber trotzdem froh gsi as dBeach Boys nu chli ghulfe hend bim ufstelle und starte. De Fredi het sich anen Afängerkurs anegwagt und de Wiggi het en Ufstigerkurs gmacht.
Mier hend eus langsam wieder ans Level vu Mauritius anetastet, de Sämy het a sine Sprüng gfiilet und dMartina am nahtlose chere. DBucht isch chli welliger gsi als miers bis etz gwöhnt gsi sind und dBöe sind en zuesätzlichi Challenge gsi - da dra hemmer eus aber schnell gwöhnt. Nur dMartina het nu paar Mal zoft ihres Brett verlore und isch froh um die ufmerksame Beach Boays gsi. Am Fredi gfallts bis etz, bis und mit Bodydrag heter tiptop überstande. Au de Wiggi het Freud dra und isch scho langsam am lerne hin und her zfahre.
Am späte Namittag simmer all zimli verbrännt und verdurstet zrugg im Camp acho und eus sofort in chüele, schattige Pool gstürzt... Bier inklusive :) etz entspannemer grad mit de halb Truppe bi Plantain Chips (en Art Koch-Banane) mit Ketchup.
Btw, obwohls hie weder Buffet nu a la carte git, isch alles Esse bis etz vorzüglich gsi. Zum Zmittag hets hüt am Strand sogar Pizza gä! Hie laht es sich uf jede Fall la ushalte :)Read more