Satellite
  • Day 58

    Bali Way of Life

    June 15, 2018 in Indonesia ⋅ ⛅ 26 °C

    Chum 24h uf Bali simmer scho voll i dem Lifestyle acho :) geschter het eus de Fabi en Fahrer zum Flughafe gschickt... zum Glück! Womer nacheme Stromusfall und Förderbandpanne usem Flughafe usecho sind, stehnd da über 100 Fahrer und Taxichauffeure! All entweder mit Namensschildli am wedle oder wend es paar verlorne Touris es Taxi oder Droge (!) ufschwätze... euse Fahrer het eus uf Awisig vum Fabi scho Mal iischalti Bintang Bier mitbracht, super Start!
    Dernach simmer uf Canggu bim Fabi und dr Blanca ind Villa iglade gsi - wohl besser als jedes Ho(s)tel da, mit Lokalbetreuuig :) später simmer denn mit de Roller wiiter, das wird wohl die negschte Wuche sFahrzüg üser Wahl werde :)
    Hüt morge het eus de Fabi zu ihm is Hostel bracht, während dMartina ins Yoga isch, het er am Sämy sini in Bau befindliche Apartments und Hostel Erwiiterige zeigt... er sprüeht nur so vor Business Ideä :)
    Nacheme feine Zmorge simmer an Strand, da hend 2m Welle uf eus gwartet! SWasser het sowohl mit dr Welle strandiwärts zoge, und denn nach de Welle mit fascht de gliche Chraft wieder usezoge... paar Mal hets eus richtig dFüess under de Bei furtzerrt :) mer hend en herrlich entspannte Nami verbracht, mit vil Sunne und früsche Coconuts :)
    Read more