Satellite
Show on map
  • Day 65

    What a view!

    June 22, 2018 in Indonesia ⋅ 🌙 27 °C

    Au geschter Nacht hemmer numal an Deck gschlafe, obwohl es dismal chli stärcher gwindet het. Die früsch Luft und s sanfte Ufwache am Morge sind Gold wert!
    Füre erschte TG simmer zum Inseli Batu Balong gfahre, über Wasser nid vil meh als zwei Felsblöck, dr eint nu mimne Loch i dr Mitti. Doch under Wasser hend sich Wälte uftah: en Steilhang mit unzählige farbige Koralle und Fisch. Wieder einigi Lion Fish, zwei Stingrays und en sicher 1m grosse "Sweet Lip" mit tatsächlich riesige Lippe. Super Start in Tag :)
    Dernach simmer wiiter in Süde gfahre, zu dr Insle Padar. Hie taucht mer im indische (statt im pazifische) Ozean - mer merkts au grad ab de scho eher "chüele" 25 Grad Wassertemperatur. De zweit Tauchplatz het "Three Sisters" gheisse, benennt nach de drü grosse Koralleblöck. Da hemmer zwar schlechteri Sicht gha, aber doch einiges gseh, wie en Turtle, en schlafende Hai im Sand und es sehr schöns Top Reef zum Ustauche. Zudem en sehr interessanti "Bütel-artigi" Koralle und zwei Scorpion Fish: bim erschte hemmer us chum es paar Meter Distanz chenne zueluege, wied Schildkröte fasch ufe Scorpion Fish gstande isch und der somit zwunge worde isch sich zbewege :)
    De Sämy het de 3. TG wege Chopfweh usseglah :( dMartina isch darum alei is chalte Wasser vu Padar Kecil. Da isch vor nid allzu langer Zit es Fischerboot gsunke, um das ume hend si über 10 Lion Fish in allne Grössene tummlet! Zu de wiitere Highlights hend en Roche, en Puffer- und Skorpionfisch zählt - zudem sehr vil Chlises, mini Chrebsli und Fischli.
    Doch sHighlight vum Tag het nu uf eus gwarted: am spate Namittag simmer uf Padar und hend eus i dr Hitz ganzi 279m ind Höchi kämpft... und es het sich so glohnt! Bi jedem Schritt isch dUssicht spektakulärer worde, zoberst het mer en herrliche Blick über die ganz zerklüftet Insle, mit wiite Buchte und stahlblauem Himmel!*
    Read more