Easter Island's farewell present

Euse letscht Halbtag uf Rapa Nui simmer ganz gmüetlich agange: mer hend usgschlafe und sind zur Promenade de Surfer ga zueluege. Da het eus dOsterinsle nu es Abschiedsgschänkli gmacht: mer hend vum Ufer us en Wal gseh! Und nid eifach nur gseh verbischwimme und Wasser pruste, sondern er isch ganz usem Wasser gsprunge und het sich ufe Rugge la gheie la! Wow, sowas hemmer beid nu nie gseh :)
Dernach simmer numal in euses Lieblings-Lokal Mamma Nui zum Juan-Antonio (wo eus btw an Vater vu dr Martina erinneret) es Bier ga trinke und Empanadas ga esse. De Juan-Antonio het au sichtlich Freud a eus gha, er het het eus zum Abschied nu Muschelchetteli gschänkt und eus denn au nu an Flughafe bracht :)
Nach vier iischalte Stunde im Flugzüg simmer in Santiago acho, zum erschte Mal sit Südafrika (sprich sit drü Mönet) simmer mal wieder uf "Festland" und nüm nur uf Inseli underwegs! Ebefalls zum erschte Mal sit Südafrika simmer wieder Mal mit meh als 100 km/h underwegs gsi - mer hend sGfühl gha euses Taxi flügi überd Autobahn!
Mer wohned da zmitzt i dr Stadt, imene zumene Hostel umbaute alte Huus mit höche Stuck-Deckene und öppe doppelt so vil Türe wie Zimmer. Mer freued eus wieder mal inere Stadt zsi, das hemmer etz au sit Singapur (zwei Mönet) nüm gha. Das Big City Life hemmer denn au nu grad mitere 1AM Pizza Delivery gfiired :)
P.S. Es wiiters Jubiläum mues mer hie au nu erwähne: dMartina isch etz sit genau emene Monet rauchfrei! Mer hoffed as zwei wiiteri Mönet intensive Sämy-Ifluss sRauche au dihei obsolet mached :)Read more