Satellite
Show on map
  • Day 143

    Searching for anacondas and piranhas

    September 8, 2018 in Bolivia ⋅ 🌙 26 °C

    Nachere erholsame Nacht i dr Pampa simmer hüt wieder früeh los: dismal hemmer eus ufd Suechi nach de grosse Würgeschlange Anaconda gmacht! Euse Guide kennt dRegion vu früener (er het zwüschezitlich bi andere Agenture gschafft) und het eus zu sim eher wiit entferne Anaconda-Secret-Spot gfüehrt. So simmer 1.5 Stund de Fluss derab gschipperet und hend derbi hunderti Caimane und Schildkröte gseh (Caimane essed zwar Schildkröte, mend aber nur ca. all 3 Mönet esse, darum sinds oft friedlich nebenander). Denn isches en knappi Halbstund mit höche Gummistiefel durch de Sumpf, durch dichti Hecke und höchs Gras bis zumene chline Seeli gange. Da hend de Sämy und Marcelo überall nach Anacondas gsuecht (de Marcelo sogar mit sovil Isatz aser uf es Wespe-Nest gstande isch :(), doch leider erfolglos. Nach enere knappe Stund in de brüetende Hitz im Sumpf simmer ohni Schlange-Sichtig zrugg zum Boot und zum Camp. Ufem Rückweg hemmer derfür numal paar Delfine gseh, eine isch sogar sowit usecho, asmer die speziell gformt Stirn und de rosa-gräulich Körper gseh het.
    Am Namittag simmer denn ga Piranhas fische - oder besser gseit, mier sind si ga füettere und de Marcelo isch sie ga fische. De Sämy het zwar zwei Cat Fish und en Dentado gfange, doch offebar nid womer guet chan esse - somit sind die wieder im Fluss glandet. Die vum Marcelo erbütete Piranhas hets denn zum Znacht gä, wobi vil meh als drü/vier Bisse Fleisch isches nid pro Fisch...
    Zum Tagesabschluss simmer numal churz mim Boot use und hend die vile rote Caimane-Auge im Dunkle bewunderet. Es Wiili hemmer eus ohni Motor oder Liecht la triibe la, denn het mer guet dFisch ghört gumpe und Glüehwürmli überem Boot und de Bäum gseh fliege - wunderschön!
    Read more