First day of our luxury trek

Hüt am Morge am halbi 5i simmer zu eusem 4-tägige Ausangate Trek gstartet. Mim Bus simmer zerscht 3 Stund uf Tinki gfahre, vu det isches mim eusem Guide Dario und euser Entourage bestehend us emene Choch, sim Assistent, en Horseman und vier Last-Pferd uf richtig Ausangate. Die negschte vier Täg werdemer der imposant, 6'300m höch schneebedeckt Berg umrunde.
De hütig Trekking-Tag isch sehr human gsi, chli meh als 3 Stund wandere mitere liechte Stiigig. Ufem Weg hemmer vil Alpacas und Schaf gseh - mit chli Glück hemmer au mehreri Adler und Biscachas entdeckt. Und das alles vorere unendlich wiite, idrückliche Berglandschaft - mit vil Sunneschin und kei andere Touriste wiit und breit.
Nachdem euse Choch (mit Choch-Huet) es wunderbars Zmittag anezauberet het (nachdem er de ganz Spiisplan weg de Martina het übere Huufe gworfe), simmer nu in es paar herrlich heissi Quelle ga bädele und hend Siesta ghalte.
Zum Znacht het sich euse Choch numal selber übertroffe und eus mit Pisco flambierti Banane zum Dessert serviert. Innerlich guet gwärmt hends eus inkl. Bettfläsche in eusi kuschlig warme Schlafsäck gschickt... so laht sich Trekking uf jede Fall la ushalte!Read more