A picturesque detour Pt.1

Hüt Morge simmer zu stahlendem Sunneschin und wulchelosem Himmel ufgwacht - so macht Wandere grad doppelt Spass! Vum Fuess vum Ausangate simmer ufe Paso Palomani (au Alpaca Pass gnennt) - doch statt 2.5 Stund hemmer grad mal eini gha :D so hemmer eus für en Umweg entschiede, wo eus vum andere Guide geschter empfohle worde isch: vum Pass simmer am Grat entlang uf en Für-rot Gipfel (womer leider kei Ahnig hend wiener heisst), wohlbemerkt alei, da de Dario nid het welle mitcho... De Ufstieg isch nid ganz trivial gsi - dMartina het sich ufem abschüssige rote Sand chli messe überwinde - doch dUssicht isch unbezahlbar gsi: vu da hemmer en herrliche Blick uf de schneewis Ausangate Gletscher, die drunder liegende Seeli, die rote Hügel vum Alpaca Pass und die grüene Usläufer vu dr negschte Bergchetti. De Abstieg isch derfür ganz liecht gsi: uf dr andere Siite hemmer durch weichi roti Sanddüne und fedrige Moos chenne derab laufe.
Nacheme super Zmittag (wie immer) und Siesta a dr Sunne simmer wiiter ufe Paso Warmisaya (au Vicuña Pass gnennt). Während em Ufstieg het sich sWetter schnell gänderet: plötzlich hemmer statt Sunneschin Schneeflocke gseh :o de Himmel het scho chli bedrohlich usgseh und wel mer so guet in de Zit dinne gsi sind, hemmer nid am ursprünglich plante Camp in de Berge Rast gmacht, sondern sind am Schnee-Rege dervo gluffe, wiiter bis ind Talsohle, am Fuess vu de Montañas del Arco Iris (Rainbow Mountains resp. Montaña de Siete Colores).Read more