Satellite
Show on map
  • Day 17

    2. Tag Calafate und Perito Moreno

    January 18, 2023 in Argentina ⋅ ⛅ 16 °C

    Früeh ufgstande simmer am 7:15 vom Reisecar abgholt worde zum zum Gletscher Perito Moreno fahre.
    Wie jedes Mal hend de Stephan und ich die ganz Fahrt durepennt. Dete ahcho hämmer denn zerst e 1h-Tour mitem Schiff gmacht wommer öpper 300m näch an Gletscher anefgahre sind. Nächer isch nöd gange, wege de Gfahr dass sich en Iisbrocke löst und uf eus druf gheit 🙂
    Tatsächlich hend sich während eusem Bootsusflug 2 iisbrocke glöst.
    Am namittag hemmer den chönne uf lange Passarälle de Gletscher fascht vo allne Siite chöne bewundere und natürlich es paar Poserfötteli chönne mache. Will d Sunne dänn no stärcher gschune het, hend sich extrem viel Iisbrocke glööst. Ei mal sogar e ganzi Flächi Gletscherwand. Läck het das klöpft.
    Am Abig nach de Rückkehr simmer denn eusi gwäschene Chleider go abhole, wommer gester zum wäsche abgeh händ und sind denn go Znachtässe.
    1-2 drinks später hemmer plötzlich Luscht für in Usgang überchoo (isch au grad no am Stephan sin letschte Abig gsi). De Club wo eus empfohle worde isch, het aber erst am 2 am Morge ufgmacht.. So simmer also is Casino go Ziit überbrücke. Leider hends hüt besser gspielt 😂
    De Usgang ih soneme kabutte Schuppe isch denn aber rächt abgange, speziell nachdem sie eus 1Liter-Drinks gmacht händ. De Stephan isch gar nümme zum Schlaafe cho bevor er denn am Moege am 7:15 an Flughabe isch, bi mir hets no für 3.5h glanget 🙂
    Read more