Satellite
Show on map
  • Day18

    Ziel vor Auge

    September 18, 2020 in Italy ⋅ 🌙 25 °C

    Am Morge gahts früe los richtig Bahnhof vo la Spezia. Bim zweite Aalauf hendmer ne gfunde und fahred mitem Zug zu de Dörfli vo Cinque Terre. Üsi Route started bi Corniglia wo mier en gmüetlichi Strecki richtig Vernazza wandered. Nachmene churze stop i dem wunderschöne Dörfli gaht üsi wanderig wiiter richtig Monterosso. Dasmal isch de Wäg chli steiler und mier sind froh das mier üsi Wanderschue ahend und kei Flipflops wie gwüssi anderi Touriste. D hitz macht üs am meiste z schaffe und so freued mier üs ufen abchüelig im klare Meer.
    Zrugg nämed mier s Schiff wo üs uf Manorla fahrt. Nachmene churze Zwischehalt no in Riomaggiore gönd mier mitem Zug zrugg zu üsem Camper.
    Chli kaputt vo dene letste stränge Täg sueched mier üs i de nöchi en Campingplatz wo mier en Strandtag ilegged. Früss erholt und es chlises stückli brüner lönd mier au de hüttig Abig gmüetlich la usklinge.
    Read more