Reset search
Camper-tourCamper-tour
Satellite
September - November 2020
Follow this trip?Follow this trip?
  • 64footprints
  • 70days
  • 7countries
  • 9kkilometers
  • 313photos
  • 12videos
Newest first
  • Day70

    En glungnigi Reis

     November 9, 2020 in Switzerland ⋅ ⛅ 9 °C

    Am Morge früe stönd mier uf und fahred los richtig Norde. Bereits nach churzer Ziit chömed mier am slowenische Zoll ah, womer ohni Problem dure gla wärded. Im negsti Zoll vo Italie wärded mier nideinisch kontrolliert und so sind mier gschnell wieder uf de bekannte Italienische Strasse zrugg. Üsi wiiterfahrt verläuft problemlos und ohni Stau, so das mier zügig vorwärts chömed. Wo mier de au no bim Schwiizerzoll eifach überegwunke wärded sind mier verblüfft, wie guet das alles klapped het. Nach knappe acht Stund fahre chömed mier den am Nammitag deheime ah. No es churzed uslade vom Camper und de gniessed mier en freie Abig. Putzt wird erst morn, und am Mittwuch mönd mier üs scho wieder vom Camper verabschiede.

    I dene 10 Wuche, aso 70 Täg hend mier vieli verschiednigi Kulture gse, vieli Spezialitäte und Esse probiert und verschiednigi Mänsche kenneklernt. Mier sind zerst s dritte unterwägs gsi und nah s zweite und hend so gmeinsam vieli unvergässlichi Erinnerige gschafft.
    Mier sind mit üsem Camper en langi Strecki gfahre vo 12'000 km, sind in insgesamt siebe Länder gsi und in drüü devo sind mier über längeri ziit umegreist. Mier hend wunderschöni Naturphänomen, verschiedni Tier, einzigartigi Städt und viel Meer und Seeä gseh. I dere Ziit sind mier mehrheitlich verusse gsi, hend dur s sünnele chli Brüni becho, und hend sie gäge ändi sogar scho wieder langsam verlohre. Und obwohl mier mal fast mitem Auto stecke blube sind oder de Wäg z äng worde isch, hend mier s jedesmal gschaft und sind wieder wiitergfahre.
    Mier hend i dere Ziit viel gseh, glernt und en neue Blickwinkel uf vieli Sache becho. Und doch freued mier üs ez 10 Wuche älter wieder häi z cho.    Read more

    See translation
    Map
    • Explore, what other travelers do in:
  • Day69

    Letsti Abig

     November 8, 2020 in Croatia ⋅ 🌙 11 °C

    Mier gönd am Morge richtig Naturpark Kap Kamenjak. Usversehe chömed mier inen Näbegass, wo chli z Äng für üses Auto isch, knapp chömed mier zumglück wieder use...
    Mier laufed a de Küste entlang a dene Wunderschöne Plätz zmitzt i de Natur entlang.
    Langsam dänked mier immermeh a de Rückwäg und fahred chli wiiter richtig Norde. Da üse Camping sehr nöch am Dörfli Motovun isch, mached mier no en Spaziergang det ane. Im Souveniershop, sowie im Restaurant gniessed mier no de letsti Abig vo dere Reis. Chli müed vo de letste Täg möchted mier hüt sogar chli früener go schlsfe.    Read more

    See translation
    1
    Map
  • Day68

    Pula

     November 7, 2020 in Croatia ⋅ 🌙 14 °C

    Bimne Nächtliche Gast freued midr üs drüber, das mier s kaufte Chatzefüeter doch no chönd Bruche. De Igel isch zimmlich Zuetruulich und lad sich sehr guet la beobachte.
    Am Negste morge gniessed mier d Wärmi vo de Sunne bi knappe 20 Grad. Mier sünneled wieder einisch en Morge lang und gönd am Namitag uf Pula ine. Nachmene bsuech im Colosseum laufed mier dur d Altstadt vo pula und finded schnell es süesses Restaurant. Da erst nammitag isch möchted mier eigentlich nur es Apero, irgendwie isch das Apero Grösser als mier dänkt hend und mier verhocked bi es bar Gläsli Wii bis am Abig i dem Restaurant.
    Mier mached ufem Häiwäg no en Abstächer im Scoppingcenter und nämed no en Drink uf de zweit letsti Abig vo üsem Tripp    Read more

    See translation
    Map
  • Day67

    Nationalpark plitvicer

     November 6, 2020 in Croatia ⋅ ⛅ 8 °C

    Trotz Rägewätter machemer üs ufe wäg zum Nationalpark. Warm Ipackt mit Rägehose und Rägejacke laufed mier los. Bi wunderschöne Wasserfäll verbii chömed mier zu de Bootstell wo mier de See im Boot überquered. Irgendwie hend mier de Chaffeur falsch verstande und stiiged z früe us und laufed wiiter annere andere Route nache. Da de Näbel immer dichter wird sind mier üs ufeinisch nümm ganz sicher wie mier wieder zrugg chömed. Mitmene churze Aruef zum Nationalpark sind mier üs üsem Wäg wieder sicher und folged ab ez nurno Wägwiser mitem Busszeiche. Tatsächlich chömed mier zoberst bi de Busstation ah und trifed so au anderi Wanderer wieder.
    Chli später als plant fahred mier witer richtig Pula uf en grosse Camping. Es isch scho zimmli dunkel, aber es macht de Idruck als wäred mier die Einzige Camper wiit und breit.    Read more

    See translation
    Map
  • Day66

    Brunch and Drive

     November 5, 2020 in Croatia ⋅ ⛅ 19 °C

    Mier packed üsi Sache und möchted wiedereinisch früe losfahre. Nachem Abwäsche warted d Campingchatz scho uf de Nina irem Bett uf üs (sie will wohl mit üs mit). Währendem Abfahre luegt üs sogar no es Eichörndli zue.
    Mir mached en Stop im Dorf Trogir für en Brunch, bsueched d Souvenirläde und laufed am Meer entlang. Mier fahred wiiter richtig Nationalpark wo für morn ufem Tagesprogram staht. Ufem Camping checkemer per Aruef und Emailkontakt ih, isch mal öbbis anders.    Read more

    See translation
    Map
  • Day65

    Mier flüged über de Fluss

     November 4, 2020 in Croatia ⋅ ⛅ 14 °C

    Chli spontan am Morge planed mier en Zip line Tour. Da mier scho am morge det mönd sii, möndmer ufeinisch chli pressiere. Gfüert vo zwei Tourguide mached mier en Wäg mit siebe Streckene womier über d Schlucht und de Fluss Flüged. Bi dere wunderschöne Ussicht möchtmer fast nümm ufhöre.
    Nach dem Abendtür laufed mier mal los zunere naheliegende Burg. Mit chli mene lämgere Wäg als üs Google Maps gseit het, chömed mier de doch no ah. Mier gniessed einisch meh en wunderschöni Umgäbig.
    Ufem Häiwäg tanked mier die letste Sunnestrale und schwelged no chli i de Erinmerige mit Spezielle Teigware us Italie wos hüt zum Znacht gid. Tatsächlich gad üs nach 9.5 Wuche de au no s Gas us, das mier für de Tee no mönd zu üsem Notchöcherli zruggriffe.    Read more

    See translation
    Map
  • Day64

    Wasserfall um Wasserfall

     November 3, 2020 in Croatia ⋅ ⛅ 17 °C

    Mier bsueched de Nationalpark Krka mit de Berüemte Wasserfäll. Imne Rundgang vo einere Stund laufed mier uf Holzwäge übere See und gsend vo allne Sichtwinkle här vieli verschiedni Wasserfäll, eine grösser als de ander. Ufem wiiterwög mached mier no e churze Halt bim cikola Canyon.
    Wiiter gads zu üsem neue Camping bi Split. Da darf natürlich en Abstächer am Abig is Dörfli au nid fähle. Am beste gfallt üs d Altstadt mit de änge Gasse und de grosse Muure rundume. Natürlich gsend mier wieder einisch en schöne Sunneuntergand und gniessed aschliessend es feins Znacht umgäbe vo Olivebäum.    Read more

    See translation
    Map
  • Day63

    Musig am Meer

     November 2, 2020 in Croatia ⋅ ☁️ 16 °C

    In Zadar laufed mier dur d Gasse vo de Altstadt. Glii sind mier bi de Hauptatraktion "de Meeresorgel" aacho. Das isch en langi Stäge as Meer abe. Und wie de Name scho seid, macht sie tön, wo dur d Wälle und de Wind gmacht wärded, also Musig direkt am Meer. Erstuhnt losed mier dem Schauspiel zue. Da ja d Kroate bekannt füre gueti Kaffee sind, möchted mier au gärn ines Kaffee inesitze zum en (wirklich feine) Kaffe z trinke. Mier gniessed die Ziit in Zadar no chli, indem mier dur d Gasse laufed oder i Souveniershops und Fiinchostläde gönd.
    Da mier nochli Ziit hend bises dunkel wird, göndmer no wiiter i Naturpark Vransko Jezero mit winderschöner Sumpflandschaft und Holzstäge. Wo mier üs ufe Rückwäg mached, isches scho langsam am Idunkle. Es gad nümm lang und de Himmel färbt sich komplett Rot. So gniessemer d Häifahrt no chli meh als sust.    Read more

    See translation
    1
    1
    Map
  • Day62

    Usgstorbni Gasse

     November 1, 2020 in Croatia ⋅ ☁️ 15 °C

    Am Morge zmörgeled mier wiedereinisch mit ussicht uf s Meer. De morge verbinged mier am Meer, chli sünnele und es bizli Bade. Leider isch s Wätter bi knappe 20 Grad nümme so, wie mier s üs gwönnt gsi sind in Italie.
    Uf de Namitag fahred mier uf d Insle dure und lueged s Dorf Pag ah. Es isch alles sehr usgstorbe, mier gsend nur sehr wenig mänsche. Obwohl mier devo usgange sind, das Kroate kei Allerheilige fihred, wärded mier gschnell besser belehrt. Dank Google finded mier sogar use, das d Mehrheit Katholisch isch.
    Mier beschliessed üs, die Insle nochli im Auto azluege. Vill Stei, eher chli Karg und ganz en anderi Umgäbig als das, wo mier bis ez gseh hend.
    Bevor d Sunne untergad gönd mier no a Bootshafe vo Razanac und gniessed die ruhigi Stimmig.    Read more

    See translation
    Map
  • Day61

    Adria, mier hend dich vermisst

     October 31, 2020 in Croatia ⋅ 🌙 16 °C

    Wo mier am Morge d Sache packed, het sich au de Camping scho zimmli glährt. Nach üsere Abfahrt staht nurno ei einzige Camper. Bimne Gspräch mitmene Dütsche Mitcamper, verzellt er, das sich d Risikogebiet in Dütschland no wiiter usdehnt het, so das sie und vieli andere Dütsche bis hüt Abig wieder zrugg reise mönd.
    Zu üsem Glück, das das bi de Schwiiz chli anders isch, fahred mier los i richtig Süde. A de slowenische Gränze luegt en ufgstellte Grenzpolizist üsi ID ah und seid lachend:" Stöckli like the Ski, you are Fame! "
    Sehr unkompliziert chönd mier dur Slovenie dure fahre und chömed a die kroatischi Gränze. Da mier guet Vorbereited det achömed und d Formular bereits Online usgfüllt hend, gad au das sehr schnell, und so wärded mier is Land inegla. Nachmene Stückli fahrt chömed mier in Zadar zu üsem Camping ah, wieder einisch direkt a de Adria. Mier gniessed de chlini Camping und d ussicht uf s Meer. Bi dem, wieder chli wärmere Klima, chönd mier sogar verusse Faijtas ässe. 😄    Read more

    See translation
    11
    Map
  • 2021© FindPenguins
  • Home
  • About Us
  • Blog
  • Press
  • Terms
  • Privacy Policy & Cookies
  • Support
  • Imprint
  • English