Kangaroo Island

Samstig, Sunntig bini mitere Tour uf Kangaroo Island😊 Das isch eh mega schöni Insle mit mega vielne Tier und ere spezielle Kangarooart wos nur da gitt... Zerst simmer natürlich eini vode unzählige traumhafte Stränd go ahluege und hend paar Fotis gschosse📸 Nach es paar Minute simmer denn wieter ad Sealion Bay wo ghat mehreri Muettertier mit ihrne Babys gsih sind😍 Glücklicherwiis hemmer sogar an Strand abbe zude Seeloie derfe was für mich mega Iidrücklich gsih isch❤️ Nachem ganze Ummestaa und Beobachte simmer denn go Sundsurfe🏄🏼‍♂️😁 Das isch hammer geil... Han ned chene gnueg devo becho die Düne ide sogenannte little Sahara uffe renne und wieder abbe zfahre😎

Nachem Sandsurfe simmer denn scho is euses Hostel uf de Insle gfahre hend Zimmer ufteilt und s Esse parat gmacht!!! Es het natürlich typisch Aussiestyle Bbq ghee hahaa Würstli mit grilliertem Gmües und Salat😊

Am nechste Morge simmer wieder früeh unterwegs gsih und in Flinder‘s Nationalpark wo mehr eh cooli Steinformation go ahluege sind und natürlich chli go Laufe😒😊 D Stei hend mich eigentlich ned Interessiert abr es het mega schöni Bilder ghee😂❤️ Nach chli ummeluege und laufe simmer denn wieter richtig Sealbay gange womer Furry Seal (Fell Robben) gseh chan! Es het abartig gstunke dette abr die chline und die grosse Robbe wo gspielt hend sind abartig herzig gsih☺️ Uffem Weg zrugg zum Bus hemmer denn auno die Berüemte Kangaroos wo dere Insle entdeckt (leider hets keis guets Bild devo ghee)😩 Abr defür hemmer ganz kurz vor Schluss no es Echidna gseh😁 und es paar Koalas ide Bäum... Also alles ii allem wieder es absolut glungnigs Weekend gsih und ich han wieder es paar netti Freunde gfundeRead more