Satellite
Show on map
  • Day19

    Eis riese Züg

    July 27 in Panama ⋅ ⛅ 19 °C

    Aso nur will mer nöd die gross Wanderig hend welle mache, gömer natürli nöd garnöd go wandere! Drum simer hüt Morge bi Sunneschi ufbroche, zum zum Stei Muzgo zcho füre Ussicht ufde Vulkan und de Pazifik. Mer hend denkt mer laufed hi, 8km. Nur het irgendwie fast niemert so gnau gwüsst wo das isch und d‘Beschribig het nöd ganz mitde Charte vom Hostel überi gstumme.. so hemer eus scho zig mal verlaufe und nachem Weg gfrögt vor de eigentlich Trek agfange het.. womeren endlich gfunde hend und no inen ZauberMusigYogaGugusGartepark inegstolpered sind und usversehe ine gated community (het soo vill Amis da!) ine sind und fast vom Wachhund attakiert worde sind (gahn niemeh dur sones Tor dure), simer froh gsi! 😅 ayayay! Mit Orange frisch vom Baum hemer denkt: herrlich, endlich! Doch plötzlich isch de Weg fertig gsi und eini het eus zuegschroue vode andere Hügelsite mer selled umchehre, mer sind falsch! 🤦🏽‍♀️ aso hemer das gmacht und sind de richtig ufe, wo uh steil isch und so 30 min gah sötti.. nach meh alsere Stund hemer denkt blased eus doch id Chappe und sind umkehrt, da mer das alles ja au wieder zrugg hend müsse🙄 alli sind iwie verwirrt gsi: nei aber isch imfall gad da obe, moll wükli! Mir stinkhessig, permanent hets eus umghaue bim abelaufe unds Hostel het eus dermasse ufgregt i dem Moment😂 es isch denn usecho dass 1. es Taxi eus bis 10 Minute devo entfernt het chöne anefahre🌚 und 2. de vom Hostel eus absichtlich en anderi Charte geh het als d‘Beschribig es seit, will de nöcher isch. Wow bravo. Janu mer hends lache nöd verlore und wasmer gseh hend, isch schön gsi. Aber glich, gofetami. 😂 ps: dlüt sind sehr nett!Read more