Currently traveling

Sommer 2019

July - September 2019
Currently traveling
  • Day49

    Gegönnt

    August 26 in Colombia ⋅ ⛅ 13 °C

    Doppelbett, Jacuzi, Fernsehluege und glichzitig Esse, Negeli mache, Glace esse, sganze Zmorgebuffet leer stibize... Mhh!! Richtig zfriede, glücklich und parat zum heicho☺️😋❤️ Bald gahts los🛫 ByeBye Colombie!

  • Explore, what other travelers do in:
  • Day48

    Action

    August 25 in Colombia ⋅ ⛅ 26 °C

    Gester hani mi no fürde letzt Tag in Pereira ufgrafft und alli Energie zemegnoh. Zerst ane ‚toma comunitaria‘, was so viel heisst wie es Verschönerigs Projekt ime Viertel mit allne Bewohner*inne, zeme mit fast allne vom Cevi, denn zude Luisa hei an Geburi vo ihrem chline Neffe, wo sich gfreut het wienes Honigkuchenpferd woner mich gseh het und denn in Kinoclub mit tolle Lüt und spannender Diskussion. Dihei hemer no Film gluegt und hüt Morge hani en Danke-Abschluss-Zmorge gmacht, vor sie mich an Flughafe bracht hend. 😋🌞❤️ Trotz wenig Ziit isches so schön gsi, vertraut wie immer und de Abschluss nöd ganz so hert nach so wenig Ziit. Kolumbie still my favorite💓 Ganz ganz tolli Fründe hanich da. Etz mussi no zuegeh: für de letzt Tag in Bogota hani mer chli Luxus gönnt, ihr werdet sehen. 😘Read more

  • Day46

    Pereira

    August 23 in Colombia ⋅ ⛅ 25 °C

    Endlich endlich binich in Pereira, minere altbekannte liebe Stadt im Herze vode Kaffiregion. Ich bin ganz herzlich ufgnoh worde, pfuse bime Kolleg und han scho ganz tolli Wiedersehe gha ❤️ leider magi nöd so vill mache, aber d‘Hauptsach isch zwüsse dasses allne guet gaht und chli schwätze, lache und eus umarme. Es fühlt sich ah wie immer! Ich bi auscho durs Zentrum gschlenderet, han i mim Lieblingskaffi en Frapuccino trunke (han schlimmsts Buchweh erwartet, aber nei, min Mage hetsmer gönnt🎉), bi mit mim Chef go Zmittagesse, han im Park mitem Cesar d‘Sunne gnosse und mitem Rigo en Spa Abig gmacht.☺️ Woni ganz flachglege bin, ischmich die goldigi Emilia go bsueche und hetmer es Gschenkli mitbracht, so ischmer doch au lieber chrank. 😋 Au wenni da no ewigs blibe chönt, isch min Flug scho am Mentig. Isch ez halt wies isch, ganz alli chani nöd gseh und alles chani nöd mache, aber was wichtig isch, dassis dahi gschafft ha.🌞 Hüt gahts is Viertel, i dem ich gschafft han anen Alass wo allialli debi sind und denn zude Lu ihrere Familie😌. Swichtigst isch also abdeckt!Read more

  • Day43

    Uftanke!

    August 20 in Colombia ⋅ ⛅ 18 °C

    Ide Berge vo Cali chani wieder chli uftanke. Pfuuse, Relaxe, Bade, Sünnele. Im Hostel vom Roger (de Tourguide vo SanBlas) hemer sogar s‘ganze Huus für eus allei. Choche, Zmörgele, Sii... Wunderschön oder?☺️🌞

  • Day41

    Petronio - Musik vom Pazifik

    August 18 in Colombia ⋅ ⛅ 22 °C

    Endlich hanis as Festival gschafft! Uh vill Lüt, alli glücklich, tolli Musig, gueti Stimmig☺️ Vorher simer no go dChristus Statue go aluege samt Suneuntergang und Ussicht (und andere 500 Lüt)! 😍. Nachem Festival simer ad Afterparty, wo im Viertel vode people of colour gsi isch, Cali isch uh segregiert ebe. Dete hets huuuunderti vo Lüt ufde Strass gha, Tambore, Musik, Party!! Chönt mer sich bi eus nöd vorstelle. Alli Nachbere sind au debi gsi, hend ihri Wohnige zu Restaurants und WCs gmacht, de Polizei de Balkon vermietet. Lustig oder?😂 Mir sind au e lustigi Truppe gsi - colombianos - la suiza und franceses. 🌞🌚Read more

  • Day41

    Cali

    August 18 in Colombia ⋅ ⛅ 23 °C

    So, endlich bini wieder chli ufde Bei und chan Cali erkunde🌞 s‘Festival hani immernoni gschafft bsueche, aber hüt, zum grande finale, schaffis!! 😍 D‘Stadt isch eigentlich no süess, schön warm jund s‘Hostel herzig und het gueti Lüt! 🤷🏼‍♀️😌 Freumich trotzdem, jetzt denn endlich endlich min Guide ztreffe und go Pazifischi Musik lose😋 e sunnigi, positivi Ablenkig bruchi nemli definitiv nach Gester (8h imSpital). Kolumbianischi, öffentlichi Spitäler sind de absoluti Horror, unvorstellbar. Da schätzi eusi Medizin gad unghür. Todchranki Lüt ide Gäng, überfüllt, alli warted sit Stunde/Tage, paar schlafed im Wartezimmer am Bode, egal ob 20 oder 70i. Use chunsch nur uf d‘Erlaubnis vom Arzt und da alles so langsam lauft, cha das ewigs gah, obd Esse debi hesch oder nöd. Ich het fast d‘Nacht müsse blibe, ufem Bode schlafe, mitere Nadle ide Hand demits das Morn ned nomal münd neu mache. Absolut verrückt. Zum Glück bini usecho fürd Nacht und ha mini Resultat hüt chöne hole und id Schwiz schicke, ich Glückspilz. Es isch nüt Ernsters, wahrschinli en Infektion und e Mageenzündig. Das sett vergah! ☺️🌞Read more

  • Day39

    Überall Nadle

    August 16 in Colombia ⋅ 🌧 20 °C

    Tönt schlimmer als es isch! Die eint hetmer über 12h hinweg mis Traumtattoo gstoche (het nöd fest weh tah!) und die ander hetmer mini Buchschmerze im Spital gnoh (fast).💪🏼😌 Gstoche hends mi aber überall😛. Defür sinds au überall nett gsi. Im Tattoostudio hani mi scho wie dihei gfühlt nach dene 2 Teg, de Dökti isch au sehr herzig gsi und hetmer vill ghulfe bi minere Infektion oder was au immer das isch und s‘Hostel, wow, sind mittlerwile alli Agstellte mini Fründe🌞😂 und e Lidensgenossin hani au im Zimmer gha, so hemers beid überstande, nöd am Nachtlebe vo Medellin chöne teilzneh.☺️ Das isch ebe scho doof. Aber isch au okay Banane & Brötli esse und Netflix luege🤷🏼‍♀️. Vorallem mit somene Tattoo ufem Bei😍 und, han zwar alles chli müesse umschiebe, aber ez gahts ab uf Cali anes Musikfestival und zu mim San Blas Guide☺️🛫. Luxuriös (und tür) im Flugi. See you Cali💫Read more

  • Day37

    Necoclí

    August 14 in Colombia ⋅ 🌧 23 °C

    Die hütig Reis, zerst 2h ufme Speedboat ohni Rege 😍 (sehr luxuriös dasmal) und denn Zmittag ime lebendige, farbige Städtli. Det hani d‘Bekanntschaft mitme chline Bueb gmacht, wo uf sim Stabrössli gsesse isch und stolz verzellt het, wies heisst. Jö!😋 Ich ha währenddesse Zmittaggesse und s‘Gscheh beobachtet. Nacher, zerst natürli no am Meer ciao sege, ischs losgange mitem Bus... vowege 6 Stubnd: 10 Stund. Uiuiui! Immerhin die ersti Zit hani chli mitem Pärli chöne quatsche, es Bierli trinke und Snacks esse, bevor denn nurno schlaf und Hörbuech gange isch, will sich de Bus gfüllt het und mer nüm zemme hend chöne sitze. 🤷🏼‍♀️ Mis Hostel ez in Medellin isch defür deee Hammer! Mor gahts auscho besser, nurno chli Buchweh blibt übrig. ☺️Read more

  • Day37

    Letzte Morge am Strand

    August 14 in Colombia ⋅ 🌧 26 °C

    Ja wahrschinli letzts Mal am Meer insgesamt für das Jahr😢 wirds vermisse!! Byebye lovely Capurgana😘 Etz heissts: 2h Boot und 6h Bus, aber s‘kolumbianische Paar und ich fahred zeme, swird also spassig😋

    #theearlybirdcatchestheworm

  • Day36

    Chrank

    August 13 in Colombia ⋅ ⛅ 30 °C

    Rueh hani gha hüt, Strand und Natur chli weniger. Janu, defür isch mis Buech fertig, mini Geburitrip uf Amsterdam bueched und min Buch voll Pizza. Hoffentli gahts schnellschnell weg. 🌚 Aber ich glaub, da ich ez eifach mal Rueh und Ziit han, isches halt prädestiniert zum alles usezchränkle, wo idene bewegte letzte Wuche kei Platz gha het☺️ Ich bi ez doch scho 5 e halb Wuche im Abentür😋 Wo groooossartig isch bis etz! 😍Read more