Lui lekker by die see

Vanoggend het ons lekker laat gelê (10am) te danke aan sondigte gordyne. (Die son het wel so lekker geskyn en ons was so klein bietjie spyt)

Corné moes kort na sy ontwaking, sy lock-picking skills beoefen en my tas oop kry, want vanoggend 02:30 kon nie een van ons dit oop kry nie. (Ons het die pin verkeerd gehad) Gelukkige het Penny my adviseer om die klere tussen die twee tasse te verdeel, so ons het geweet ons sal okay wees as ons nie dadelik die tas oop kry nie. (Great tip!)

Toe ons uiteindelik op en aan die gang kom, was die eerste plan om kos te kry. Ons het 'n baie smaaklik Balinese ontbyt gehad. Die mense hier is besonders vriendelik en hulpvaardig.

Dié nuuskierigheid was net te groot so ons stap toe so 2km om die omliggende gebied te verken. Die graslande en natuur gebied is besonders mooi, maar wat vir my uitgestaan het was hoe roekelose die mense op hulle poeggies is, geen helmet, 2-3 mense per voertuig, geen beskerming, plakkies... Eks bly ons werk nie hier nie, want ek kan dink die trauma gevalle wat in kom is rof.

Na 'n rustige middag by die swembad met die see voor ons uitgestrek, het ons bietjie begin beplan aan die week se avonture... Ons sien baie uit vir die week!

Die aand is afgesluit met canapés en wyn saam met die gaste van Royal Chaddidasha. Ons het mense van verskeie nationaliteiete ontmoet. (Barbara en David - Kanada , Susan en Peter - Denmarke, John en Penny - Italië, en 'n paar ander van Australië en Indië.)

Corné het natuurlik die aand in die swembad afgesluit.Read more