Im Busch🦁🦓🐘🌳🌿

Höt semmer wörkli am 5i am Morge uf ond es het sech meh als glohnt😍d Morgestemmig esch so wonderschön gsi ond es send mal nor 23° gsi😄. Zmorge hets ufeme Bänkli geh em Camp inne, womer ufe Fluss gseh hei😊 ond de esches au scho losgange😃. Mer hei weder so vell Tier gseh ond höt ganz bsonders vell Elefante, sogar welchi wo em Wasser badet hei, so idröcklechi Tier🐘. So gross ond glich so sanft. Mer send au höt lang onterwegs gsi, hei Distanze zwische eusne Camps biz onterschätzt😄 aber deför heimers rechtig chöne gnüsse. Nor am Nomi esches de wörkli mal biz zwarm worde, öber 40° heimer gha ond d Sonne hed abebrönnt. Höt heimer 3 korzi Pause igleit ond bir letzte hets de no e Glace zom abeküehle geh😄 bevormer de rechtig Zielgerade ufbroche send😊.
Em Camp acho, semer go Apero ond Znacht ikaufe ond hei gmüetli vo eusem Bungalow d Ussicht ond de Sonneontergang gluegt, de hets e Obespaziergang dörs Camp geh ond nacher heimer koched. Afrikanischi Bruschetta😄. Do esch halt alles biz imoroviersiert, meh brucht ond kocht wases het aber genau da macht de Ort so perfekt. Eifach ond kreativ lebe esch agseit ond da esch au schöne. Meh cha eifach mal abschalte ond gnüsst de Moment ond die Chline Sache, wo grad vo eim passiere oder schätzt eifach das Esse wome grad so im Agebot hed ond zauberet epis feins ufe Tisch😍. Au wenn noni so spot esch, semer so müed ond geu go pfuse, morn weimer nehmli no frühner uf ond damit mer die Morgestemmig nome cheu usnutze😍
Guet Nacht🌟Read more