Reisetag

Höt Morge semer weder am halbi 5i uf, bi schöner Ussicht hets epis chlises Zmorge geh, metem Kaffi ide Hand semer de no em Camp hin ond her glofe ond hei de Sonneufgang gluegt ond Tier am Fluss beobachtet. Die Ruhi det am Morge, esch so schön. Nachem Auto lade, semer de los. 674km lege zwische eus ond em Ziel. Zerst semer noml öpe 1h 1/2 döre Nationalpark, det heimer sogar no es ganzes Löwerudel gseh, wo no d Morgestonde gnotzt hei zom jage. Ja mer hei die letzte 3 Täg glaub meh als Glöck gha mrt eusere Safari. Mer hei so vell Tier gseh ond e wonderschöni Natur döfe erlebe. Womer usem Nationalpark cho send, semer wie ine anderi Welt cho ond eusi Reis rechtig Drakensbergen het agfange. Es esch e langi Fahrt gsi, met der onterschedlecher Landschaft ond Strosse. Zom Teil super Strossverhältnid aber zom Teil so riese Löcher, dasmer sehr hei mösse ufpasse, dasmer ned drigfahre send. Mer hei gseit sone Tag esch okey aber mer send froh, gits ned no e 2te Tag womer so vell meu fahre. Während em fahre semer dör Wälder, "moderni Städtli" aber au dör sehr armi Gebiet gfahre, do en Afrika, merktme so guet wos Geld esch ond wo ned. Am Schloss vode Fahrt semer de no Berguf ond die Stross esch besser gsi als gfühlt alles womer döre Tag gfahre send😄. Mer hei mösse lache, uf dere Stross hets natürli Küeh gha wo sogar Glocke ome Hals gha hei. Mer hei eus grad biz wie ide Schwiiz gfühlt. Uf 2000 Meter obe acho, esch die ganz Müedigkeit vode Fahrt weg gsi. Die Ussicht, esch eifach en Traum😍. Emmer weder heimer mösse säge, wie wonderschöns do esch. Euses Hüsli för die nöchste 3 Täg metere Glasschiebe, mrt direkter asicht ufd Berge, chame glaub au ned tope. Nacheme korze Spaziergang ond emne Kaffi ufem Bänkli, heimer Duschet, uspackt ond send de öbere is Hauptgebäude go Znachtesse. Ond au det semer öberrsscht worde, so e riese Uswahl au a Vegisache ond es esch au sehr sehr fein gsi. Nachem Esse, semer zo eus uf Terrasse gsässe ond hei no e wonderschöne Sternehimmel döfe gseh, sogar mrt Sternschnuppe. Ergendeinisch het aber de d Müedigkeit glich gonne ond mer send is Bett. Guet Nacht.🌟Read more