Rest vom Tag

Am Morge simmer no go poste im Centro Tenero.
Ja us poste isch Shopping worde, bade Schuhe, Handtäsche und es neus Kleid hets geh. Eigentli hemmer welle nur Zuetate für de Znacht holle... mo kennts.😂
Den hemer zum Zmittag Grillt und i ha no en Solot gmacht. De Nomi isch verplant gsi mit Bade im Pool und geg de obig no in See. D Rahel und de Matthias hend no Standup paddle'd und de Jan und ich hend bim Ufer üs vode Welle abchüele loh.
Es isch ahgseit gsi dases mega chunt go Stürme und Gwittere. Also hemer alles Sturmsicher gmacht. S einzig wa Wetter mässig passiet isch isch en Wind, liechte Rege und en Regeboge gsi. Zum Znacht hets mega feins Ghackets mit Hörnli geh wo de Jan kochet het. Im Animations-Zelt hets den no es Konzert geh womer schnell sind go güggsle und s Mami und i hend den am Obig no en Spaziergang an See gmacht.Read more