My kuier by Annette op Jeju-eiland, met layovers in Seychelles en Abu Dhabi
  • Day4

    Uiteindelik in Jeju

    August 23 in South Korea ⋅ ⛅ 27 °C

    Van Incheon af vat ek die trein Gimpo lughawe toe (dankie Wilna vir al die touwys maak in 2016, al was dit bietjie verroes het ek darem weer die treine uitgefigure). By Gimpo kry ek toe amper dadelik 'n vlug Jeju toe deur JejuAir (ek sal hulle definitief aanbeveel). In Jeju staan daar 'n baie lang ry mense wat wag vir taxi's en ek kry toe uiteindelik een wat my na Annette toe vat wat met 'n sjokolade melkie in die hand staan en wag. O, en my tas se wieletjie het ook in-tussen gebreek, so alles moet mooi beheer word. Ons gaan eet toe Bulgogi by 'n restaurant naby Annette se huis, saam met Margerite en Lisa. Lisa (van Korea af) braai die vleis in die middel van die tafel en ek kry uiteindelik, na al hierdie jare, weer sesame blare om te eet. Daarna gaan speel ons 'n bordspeletjie by Lisa se huis en stap toe terug huis toe, waar ons, pootuit, aan die slaap raak - jetlag is a real thing (en dis 5 ure vooruit nou).Read more

  • Explore, what other travelers do in:
  • Day3

    'n Dag in Abu Dhabi en Dubai

    August 22 in the United Arab Emirates ⋅ ☀️ 39 °C

    Ons het die oggend omtrent 00:30 geland. Ek het nog nie 'n visa gehad nie so moes eers vir 'n transit visa wag (ja, ek het darem voor die tyd geweet ek kan dit op die lughawe kry, want my aansoek op die internet wou nie werk nie en ek kon nie die regte persoon by die ambassade in die hande kry nie - ek het dit dalk gelos tot die dag voor ek gevlieg het, maar all is well that ends well). Ek het toe met 'n gesukkel my huurkar gekry en na die hotel gery waar ek die aand (oggend van 03:30 af) gebly het. Dankie tog daar was nie baie karre op die pad nie, want ek het lanklaas aan die regterkant van die pad gery. By die hotel het hulle my kar gaan parkeer soos in die flieks terwyl ek net by die voordeur afklim (very fancy). Hulle het toe nie meer 'n rookvrye kamer beskikbaar nie en gradeer my toe op na 'n suite toe (ongelukkig net vir 'n paar uur). Die oggend 08:00 moes ek vir Lizzy en Chanelle by Bab Al Shams by Dubai kry vir ontbyt, waarvoor ek toe effens laat is en hulle nie kan kontak nie, want my foon gee nie eers die opsie vir roaming daar nie. Mens kan ook nie oproepe maak op sosiale media daar nie. Ek het uiteindelik daar aangekom en ons eet toe baie indrukwekkende buffet ontbyt en vang jare se kuiers op (wel, ons het probeer). Dit was 'n absolute fees om hulle weer te sien na so lang tyd. Van daar af is ek Dubai toe tot by die Union Flag Pole en het teruggery al langs die kus, met 'n pitstop by Madinat (alles op Betsie se aanbeveling, want sy het mos daar gebly en sy weet van ondervindings en goed waardeer in die lewe). Die paaie is baie goed en lekker om te ry, met geen verkeersprobleme nie en spoed grens van 140 km/h. Terug in Abu Dhabi het ek op die City sightseeing bus geklim en is daarna terug lughawe vir die vlug die aand. Ek bespreek toe my vlug van Seoul na Jeju net voor ons op die vliegtuig klim, sodat ek nie die vlug sal mis as ons vlug vertraag is nie. Minwetend... toe ons in die vliegtuig sit, vasgegordel en reg om te gaan, laat weet die kaptein hulle het laat weet ons kan nie vlieg nie. Ons vlug is toe met omtrent 90 minute vertraag en die vlug moes aangepas word oor China se lugspasie (ek weet nie rerig wat gebeur het nie), maar ons toe baie laat vir my binnelandse vlug. Wat kan mens doen? Ek besluit toe maar om dit self te kom uitsorteer as ek in Seoul is.Read more

  • Day2

    Dag in Mahé, Seychelles

    August 21 on the Seychelles ⋅ ⛅ 26 °C

    Ek het effens verslaap (ek wou die sonsopkoms kyk, maar gelukkig was dit bewolk so ek voel bietjie beter daaroor). Ek het toe in my huur karretjie (Gracie, want die vrou by wie ek dit gehuur het is Grace) geklim en om die eiland gery met 'n stoptydjie elke af en toe. Daar is erg mooi strande en mense stop sommer net langs die pad waar hulle wil. Ek het gery tot in die Noorde by Baie Ternay Marine Park, waar ek gaan stap het, 'n coconut gedrink het en bietjie geswem het. Daar is vervalle geboue wat in die middel van die park staan wat glo vroëer 'n skool was en te duur was om te onderhou, so die regering het 'n ander skool gebou en die plek is nou verlate, maar dit is so mooi en reg langs die see. Ek het verder om die eiland gery en met 'n pad oor die berg met al sy ruig plantegroei gery, wat lyk soos 'n woud. Daarna is ek Victoria (die hoofstad) toe en het tussen stalletjies rondgeloop en na nog strande gegaan en rondgery tot ek terug is lughawe toe, waar ek my karretjie moes toesluit met sy sleutel binne hom en dan tel Grace hom op wanneer sy kan. Van daar af het ek die aand Abu Dhabi toe gevlieg.Read more

  • Day1

    Post call na Seychelles

    August 20 in South Africa ⋅ ☀️ 19 °C

    Ek het gisteraand gespoed en vanoggend het Liza, Donné en Sorika vroeg gekom om my af te los (beste mense). Madaleen het my toe lughawe toe gevat en van daar af het ek Johannesburg toe gevlieg. In Johannesburg was dit 'n lafenis om bietjie in die lounge te gaan sit voor ons die middag gevlieg het Seychelles toe. In Mahé geland, het ons deur doane gegaan, waar jy geen dier- of plantprodukte mag inbring nie. Voor mens opstyg spuit hulle al die hand bagasie met een of ander iets en wanneer mens land, moet die gesondheidsinspekteur eers ondersoek en toestemming gee voor mens mag afklim. Buite die lughawe het die vrou met my huurkar gestaan en ek het van daar af gery na my blyplekkie vir die aand. Die deel waar ek gery het is baie stil, met geen oop besighede daai tyd van die nag nie. By my huisie het Jimmy my gewys waar alles is. Daar is 'n jackfruit boom reg voor my huisie en hy het vir my 'n stukkie gebring om te proe. Ek was so moeg dat ek dadelik gaan slaap het.Read more