Reset search
Flitterwochen Steffi & Domi
  • inupendi
  • Dominic Stürm
  • inupendi
  • Dominic Stürm

Flitterwochen Steffi & Domi

Already one month! 👰🏻‍♀️🤵🏽‍♂️ Endlich startet euses Abentüür ond mer flüget i eusi Flitterwoche 😍🌴🌊🏖️
Ab em 23. August simmer onderwägs ✈️ ond ladet do Bilder & Videos vo eusere Reis nach Vancouver 🐳 und Hawaii 🌺 ufe. Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    August 23, 2025
  • Flitterwochen Steffi & Domi

    Vancouver Tag 3 – Whale Watching

    August 25, 2025 in Canada ⋅ ☀️ 20 °C

    De vorerscht letschti Tag in Vancouver het früeh gstartet 😴 ond mir sind los richtig Granville Island för en Whale Watching Tour. 🐳😍 Ond tatsächlech isch s‘Glöck of eusere Siite gsi ond mer händ noch chorzer Ziit en Buckelwal gseh ond no es biz spöter sogar 3 Buckelwäl mitenand. 😍🫶🏻 Nochher hämmer no paar Seeleue & Robbe 🦭 gseh sünnele ond dörfe die schön Küste vo Vancouver bestuune. ⛰️🌊Read more

    See translation
  • Flitterwochen Steffi & Domi

    O‘ahu Tag 2 – Manoa Falls

    August 27, 2025 in the United States ⋅ ☀️ 27 °C

    Es isch nonig mol Mittag gsi ond scho simmer zu eusere 2. Wanderig vom hötige Tag ufbroche. 💪🏻 Noch em eher trochne Koko Head ischs in Dschungel 🌱 zom Manoa Wasserfall gange. Bim Wasserfall acho simmer biz entüüscht gsi, will wörkli vell Wasser isch da ned obenabe cho. 😅🤫Read more

    See translation
  • Flitterwochen Steffi & Domi
    22

    O‘ahu Tag 2 – Byodo-In Temple

    August 27, 2025 in the United States ⋅ ☀️ 28 °C

    Noch eusne 2 «Wanderige» (so lang sind die natürli ned gsi) simmer zome chline Roadtrip of di ander Siite vo O‘ahu ufbroche. 🏝️ Mer sind in Byodo-In Tempel, en chline buddhistische Tempel. ⛩️ Leider sind d‘Lüüt, wo de Tempel bsuecht händ nöd so adächtig ond respektvoll gsi. 🙄 Of eusere Fahrt ad Northshore 🌊 hämmer denn no Halt ah 2 Stränd gmacht. Am zwoite Strand hämmer denn s‘Glück gha, 2 Schildchröte bi ihrem Nomitags-Pfüüsi z‘bestuune. 😍🐢Read more

    See translation
  • Flitterwochen Steffi & Domi

    O‘ahu Tag 3 – Pearl Harbor

    August 28, 2025 in the United States ⋅ ⛅ 27 °C

    Euse letschti Tag of O‘ahu hämmer in Pearl Harbor ⚓️ verbrocht. Döt hets viel z‘gseh ond z‘läse geh, en sehr idrückleche Ort. Zrogg bliibt viel Unverständnis werom Mänsche sich öberhaupt so bechriege mönd.
    Us em Wrack vo de gsunknige USS Arizona flüsst emmerno Öl is Wasser use. De Ölfilm i allne Rägebogefarbe im glitzrige Wasser macht de Ort of en komischi Art fascht ergendwie schön. Eus isch (ned wie allne andere Touris) im Wüsse, dass i dem Wrack öber 900 Soldate begrabe worde sind, nöd noch fötele ond filme z‘Muet gsi. Ossert im Flüger-Museum ✈️ het natürli am begeisterte Domi sini Freud mösse festghalte werde. 😉📸    Read more

    See translation
  • Flitterwochen Steffi & Domi

    Kahului Airport

    August 29, 2025 in the United States ⋅ ⛅ 25 °C

    Am 4i am Morge het euse Wecker glüüte will euse Flüger nach Maui bereits am 7.35 abgfloge isch. 😴 Am Flughafe in Kahului, Maui acho hämmer öppis erläbt, wo mer nonie gseh händ. Noch em ablösche vo de Aschnallzeiche isch NIEMERT (!) ossert d‘Lüüt wo z‘vorderst ghockt sind ufgstande ond alli sind völlig gsittet ond nochenand ufgstande ond usgstiege. Onglaublech so öppis 😂Read more

    See translation
  • Flitterwochen Steffi & Domi

    Maui Tag 1 – Chillertag

    August 29, 2025 in the United States ⋅ ⛅ 27 °C

    Ah eusem erste Tag of Maui hämmer iplant, dass mer eifach bim Hotel am Pool & / Strand chillet ond mol zor Erholig eifach en Tag nüüt machet. 🧘🏻‍♀️⛱️ Euses Hotel isch nöd megaaa modern aber härzig gmacht mit Wasserfäll bim Pool ond eme gheizte (😂!) Jacuzzi. 💆🏻‍♀️
    Am Strand hämmer dosse of em Meer sogar e Schildchröt gseh, die isch aber leider schnell weder abtaucht ond nöd an Strand cho. Duume drucke för di nöchste Täg. ✊🏻🍀🐢    Read more

    See translation
  • Flitterwochen Steffi & Domi

    Maui Tag 2 – Nordwestküste

    August 30, 2025 in the United States ⋅ ☁️ 25 °C

    Will euse Schnorcheltrip leider absgeit worde isch, hämmer d‘Ziit höt gnutzt ond sind öber d‘Nordwestküste vo Maui richtig Kahului gfahre. Of teils abentüürleche Strosse hämmer Halt gmacht bim Nakalele Blowhole ond bi de Olivine Pools. Idrücklech, was Wasser alles för kuuli Sache in Stei «frässe» chan. 🌊
    Of eusem Roadtrip hämmer öppis gseh, wo wie es Wiesel oder en Iltis usgseh het, spöter hämmer usegfonde dass es wohl en Mungo gsi isch, ond es Geissli isch eus fascht vor s‘Auto gumpet. Das isch nämli us em Nüüt rächts vo de Stross s‘Bord abezgumpe cho. 😅🐐    Read more

    See translation
  • Flitterwochen Steffi & Domi

    Maui Tag 2 – Road to Hāna I

    August 30, 2025 in the United States ⋅ ☁️ 26 °C

    In Kahului acho hämmer gstartet mit de Road to Hāna. 🚘 Eigentlich hämmer för das di nöchste zwoi Täg iplant, mir händ aber dänkt, starte mer doch eifach schomol. 😊
    Höt hämmer di erste 3 Pöste abghaket:
    📍 Paia 🏘️
    📍 Ho‘okipa Beach 🐢
    📍 Twin Falls 💦

    Am Ho‘okipa Strand hämmer ganz viel Schildchröte gseh am Strand entspanne. 😍 Es het es grosses Schild ond es Absperrseil, damit mer d‘Schildchröte nöd goht go störe. Leider wösset sich au do nöd alli Touris z‘beneh, was eusi Stimmig zemli trüebt het. 🤌🏻    Read more

    See translation
  • Flitterwochen Steffi & Domi

    Maui Tag 3 – Road to Hāna II

    August 31, 2025 in the United States ⋅ ☁️ 25 °C

    Höt isch es wiiter gange mit de Road to Hāna. Im Lauf vom Tag hämmers tatsächlech bis nach Hāna gschafft, mit allne Stopps ond simmer vom Morge am halbi 8i bis z‘Obig am 6i onderwägs gsi. 😅🤌🏻
    Höt hämmer gseh:
    📍 Waikamoi Nature Trailhead 🌳🌱
    📍 Garden of Eden Arboretum 🌸🦚
    📍 Kaumahina State Wayside Park ⛱️
    📍 Ke’anae Peninsula 🪨🌊
    📍 Hāna Lava Tube 🌋🔦
    📍 Kaihalulu Red Sand Beach 🏖️    Read more

    See translation
  • Flitterwochen Steffi & Domi

    Maui Tag 4 – Road to Hāna III

    September 1, 2025 in the United States ⋅ ☁️ 26 °C

    Ah eusem vierte Tag of Maui semmer nomol bis nach Hāna hinderegfahre. Chorz vor Hāna gits en Strand mit schwarzem Sand (teils wörkli Sand, aber gröschteteils schwarzi Stei). För de muess mer reserviere ond mir händ leider nor för de 2.9. am Morge vo 7–10 Uhr en Spot becho. Jänu. 😂🤭 Nochher ischs wiitergange mit de Road back from Hāna, also de Stross wo hinder Hāna wiiterfüehrt ond somit einisch om de Haleakalā Vulkan (de isch inaktiv). 🌋
    Alles in allem hämmer die Spots gseh of de Road to and back from Hāna:
    📍 Waiʻānapanapa Black Sand Beach 🪨🌊
    📍 Wailua Falls 🌴💦
    📍 Waimoku Falls 🥾🎋

    D‘Road back from Hāna isch osserdem sehr idrücklech gsi will mer innerhalb vo wenige Meile dor de grüensti Dschungel 🌱, dor e trochni Vulkanlandschaft 🌋 ond zom Schluss ah grüene Wiese 🌾 verbi ond dor Nadelbaumwälder 🌲 dore gfahre sind. Onglaublech wie vielfältig Maui isch! 😍🏝️    Read more

    See translation
  • Flitterwochen Steffi & Domi

    Maui Tag 4 – Haleakalā Vulkan

    September 1, 2025 in the United States ⋅ ☁️ 19 °C

    Zom Abschluss vo eusem letschte Tag in Maui simmer no of de Haleakalā 🌋 ufegfahre. Döte hämmer zerst nochli Ziit gha zom umelaufe, herzigi Nenes (chlini Vögel) beobachte, in idrückleche Krater abeluege ond d‘Ussicht vom Gipfel ⛰️ z‘gnüsse.
    Aschlüssend hämmer eus es Plätzli gsuecht zom de Sonneuntergang bestuune. 😍🌅 Of 3055m Höchi wirds natürli zemli schnell zemli chalt. 🥶 Mer händ noch em Sonneondergang no tapfer öber en Stund isgharrt bis es ganz dunkel gsi isch, leider het mer d‘Milchstross nor ganz schwach gseh chönne. Vermuetli isch de Mond z‘hell gsi oder mer z‘ungeduldig. Es isch aber au wörkli bitterchalt gsi ond de Wäg is Hotel no e 1.5h Autofahrt. 🙈    Read more

    See translation
  • Flitterwochen Steffi & Domi

    Akunft Kauai

    September 2, 2025 in the United States ⋅ ☀️ 27 °C

    Am spötere Nomitag semmer i eusem Hotel of Kauai acho, de letschte Insle wo mer of Hawaii bsuechet. 🌺
    S‘Hotel gfallt eus sehr ond isch bis jetzt definitiv s‘schönste Hotel vo eusem Trip. 🥰
    Mer sind no e chorzi Rundi an Pool ond händ fein im Hotelresti z‘Nacht gässe. Jetzt freue mer eus, morn meh vo Kauai dörfe z‘gseh. 😍🏝️    Read more

    See translation
  • Flitterwochen Steffi & Domi
    11

    Kauai Tag 1 – Nāpali Küste

    September 3, 2025 in the United States ⋅ ☀️ 26 °C

    Ah eusem erste ganze Tag of Kauai 🏝️ hämmer am Nomitag en Tour of eme Katamaran zo de idrückleche Nāpali Küste gmacht. Döt hämmer Usblick of onglaublechi ond idrücklichi Felswänd, Bergformatione ond Wasserfäll gha. Am Afang vo de Tour hämmer sogar no es paar Delfine 🐬 gseh, was am Nomitag es riese Glöck isch. 😍
    Osserdem hämmer dank de guete Bedingige so wiit in Norde vo de Insle chönne ufefahre mit em Boot, dass sälbst öpper vo de Crew nonie binere Tour bis döt ufe isch. 🤩
    S‘Sunset Dinner, wäg dem mer die Tour buecht händ (bizli Romantik ond so), hämmer eus es biiizeli anderst vorgstellt, aber heii, d‘Tacos sind fein gsi ond de Sonneontergang wunderschön. 😍🌅    Read more

    See translation