Satellite
  • Day33

    Talinn, Estonia

    October 9, 2018 in Estonia ⋅ ☁️ 12 °C

    Z Estland aacho mit de Fähre hemmer ois gad uf de Weg richtig Altstadt Talinn gmacht, die het me scho vom Schiff uus erkennt.
    Jaa schowider e Stadt... Eich hemmer garnid sooo fest Lust, aber das derfemer ois glaub nid entgah lah.

    Und es isch würkli wunderschön da! Alti, massivi hüpschi Hüser und Eine nachem Andere schenkt eim da es Lächle. Juhuuu! :)
    Ois gfallts da so, das mer na bliibed zum Znacht. S Resti isch meega guet gsii - fründlichi Lüt wo eim ma biz Sprach biibringed und wunderbars/spannends Ässe :)

    Jetzt fallts ois scho chli uuf, wiiter obe i de nördliche Länder sind d Lüt zwar au immer Hilfsbereit gsii, hend aber kei Emotione zeiget. Ich weiss nid wenn ois det obe s letst mal öpper es Lächle gschänkt ghaa het... (oder liit das ächt a ois? :-p )

    Fazit Mänsche wo ois begägnet sind in Norwege-Schwede-Finnland :)
    In Norwege sind d Lüt eher echli ruuch, wie au d Landschaft.
    In Schwedä sinds ois am offnigste vo dene 3 Länder vorcho, aber au eher ohni Emotione.
    In Finland sinds sehr Hilfsbereit, lächled aber irgendwie nie.
    Read more