ylva peter

Joined November 2019
  • Day94

    Phuket

    February 11 in Thailand ⋅ ☀️ 29 °C

    die letschte Täg simmer in Phuket gsi. zerst imene Hotel für 2 Nächt und denn für 4 imene Hostel beidi bim Patong Beach, en ort wo sehr vill russe sind und villi jüngeri lüt wo wend go party mache. Mir hend nöd so vill gmacht gha sind immer am Strand no die letschte paar mal go sünnele und sind am Night Market ih de altstadt vo Phuket wo mer en sehr schöne Abigshimmel gseh hend. Hüt reised d Laura und d Renee zrug uf Sydney und ich flüge morn über Singapur hei. Oisi Reis z‘dritte isch jetzt leider scho verbi, 3 mönet gönd ebe trotzdem schneller ume wie mer denkt :(Read more

  • Explore, what other travelers do in:
  • Day87

    Krabi/ Jungle-Tour

    February 4 in Thailand ⋅ ☁️ 32 °C

    Namal e tour het ois zu de Emerald-Pools chli Süd-Östlich vo Krabi. Zerst imene natürliche chalte Pool und denn imene heisse Naturpool wo 42 Grad warm gsi isch, bi 35 Grad heissem wetter 😅. denn simmer zuemene Tempel gfahre wo em Buddah ganz Obe uf em Berg isch. 1260 riisigi stufe hemmer müsse ufelaufe für zum ihn vo nöchem gseh. Ufem Abeweg hemmer denn no gsellschaft vo es paar affe becho.Read more

  • Day85

    Khao Sok Nationalpark

    February 2 in Thailand ⋅ ⛅ 32 °C

    Hüt simmer zumene Elefante ort gange wo sie 4 alti und weg schlechter haltig verletzti elefante hend und sie versueched wieder mit bizeli bewegig pro tag und gueter pfleg wieder gsund mache. mir hend sie chöne mit dreck ihschmiere und denn abdusche. nachem zmittag hemmer ah oisem 89 jahr alte elefant au no chöne ananas und banane füettere.Read more

  • Day84

    Khao Sok National Park

    February 1 in Thailand ⋅ ⛅ 33 °C

    Gester simmer mitem Zug vo Bangkok uf Surat Thani, denn simmer miteme Shuttle zu oisem Hotel bim Nationalpark gfahre. Nach dere lange und ahstrengende 12 stündige Reis simmer sehr schnell go schlafe will mer au am nöchste Morge früeh hend müsse ufstah. Hüt simmer mit enere (Ü50 natürlich😉) Tour uf de See im Nationalpark. Det simmer mit em sogenannte „Longtailboat“ über de See gfahre zunere Tropfsteihöli. Sie isch zwar nöd sehr gross gsi aber defür hets seeehr vill Fledermüs gha (die chlinsti Art uf de welt). Nacher simmer zumene resti wo ufem See schwümmt und hend det Zmittag gha. Det hemmer chöne go Kajake und Schwümme bis mer ois wieder uf de Weg zum Hotel gmacht hend.Read more

  • Day83

    Bangkok

    January 31 in Thailand ⋅ ⛅ 30 °C

    Vor zwei täg simmer in Bangkok, Thailand ahcho! Am erste Tag hemmer d Umgebig bi oisem Hotel chli erkundet und hend vill stinkendi Ort und exotischs esse gseh. Am zweite Tag simmer mitem Boot ufem seehr dreckige ( ☹️) Fluss zu de berüehmte Tempel Wat Arun und Wat Pho, wo de „Reclining Buddah“ liht. Am Abig simmer denn zu de Rooftop Bar wo im Film Hangover 2 vorchunt , öb die 30 Franke für en nöd so feine Mojito s wert gsi isch simmer ois au nöd sicher, aber immerhin isch d Ussicht wunderschön gsi! Natürlich hemmer bi keine vo oisne Aktivitäte d‘Maske vergesse zträge und immer guet Händ wäsche und desinfisziere.Read more

  • Day78

    Nusa Penida

    January 26 in Indonesia ⋅ ☀️ 29 °C

    Gester simmer mitem Boot usegfahre und go schnorchle/tauche. Det hemmer vill Fisch gseh und den bim Manta Point ganz vill riiiiisigi Manta-Rochene.
    Hüt simmer zum berüehmte Kelingking View Point gange wos e mega schöni ussicht gha het aber defür au megaaa vill lüt. Am Abig simmer bim Amok Sunset restaurant de sunneuntergang go luege, de name vom restaurant isch ihne eidütig grecht.Read more

  • Day75

    Nusa Penida/ Crystal Bay

    January 23 in Indonesia ⋅ ☀️ 30 °C

    Hüt simmer vo de Insle Bali uf die chlineri Insle Nusa Penida mitem Boot gange. Da blibemer für 4 Nächt, 2 nächt bi Crystal Bay und denn 2 Nächt meh im Norde vo de Insle. D Ussicht isch zwar nöd us oisem Hotel aber trotzdem mega schön! Mitem gmietete Töffli simmer zu dem Restaurant gfahre, natürlich GANZ VORSICHTIG!Read more

  • Day70

    Bali, Ubud

    January 18 in Indonesia ⋅ ⛅ 28 °C

    Hüt simmer vo Seminyak nach Ubud gfahre und sind denn da ih de tüppige hitz in monkey forest. D‘renee isch ahgspunge worde vomene aff aber süscht sinds eig ganz fridlich gsi.

Never miss updates of ylva peter with our app:

FindPenguins for iOS FindPenguins for Android