4.Tag in Brighton

Sorry, dass dr Bricht vo gescht in dr Bricht zwei ihne grutscht isch :/ Hüt sötts besser wärde...
Hüt morge sinn mr brutal gweckt worde vo dr Laura(Lehrerin) mir sinn alli fascht uf de Tisch igschlofe wo plötzlig d Laura ihne z stürme kunnt und in einere Lutstärki uns foht afo vollschnure, das isch so brutal gsi, aber si het e gueti Stimmig verbreitet. Mir hänn hüt unsere erschte Tescht gschribe. Ich ha nur d Hälfti richtig ka, aber d Laura und au d Abby hänn gfunde das sig guet für dr erscht Tescht(jupii). Hüt hanni kei Nommidagschuel ka, somit hanni am 13:10 ind Stadt könne go. Nacheme feine Salat im Park hanni mi mit ere Map bewaffnet ufd Suechi nach em prince recgent Schwimmbad gmacht. Dank ere ufmerksame Frau hanni das denn au schnäll gfunde. An dr Kasse hanni mi denn nacheme Abo für zwei Mönet erkundigt, aber wie scho geschtert bim Busticket und dr Studentcard gits das erscht ab 3Mönet.So hanni hald e einzel Itritt miesse zahle. Denn het mr dr Badmeischter no welle verzelle, dass das Becki 25m lang sig(das sinn öbbe 20m gsi). Doch das isch nid s Schlimmschte gsi, das Wasser het sooo viel Chlor ka, dass mir nach 30min speiübel gsi isch :/ so binni denn wider, uf dr Suechi nacheme Käffeli, ind Stadt zrugg. Dört hanni voreme Kaffilshop mi Kaffi in begleitig vomene Gitarrischt und dr Sunne gnosse :D Denn hanni mi nacheme Cupecake umgluegt umd eine schnabuliert mmmmhhh ;)Willi no ufd Lamya ha miesse warte, will si am Nommidag Schuel ka het, binni mit Musik wider in dr Garte vo däne Paläscht vom König ghoggt und ha gsünnelet.Am 16:30 hanni mi am Clock Tower mit dr Lamya troffe umd mir sinn zämme ine Mobileshop zum e änglischi Simkarte in mi Handy z mache(ich kürz do bitz ab) mir hänn se gwägslet, hänn se glade und denn sötte per Aruef aktiviere...Ich hätt mi Handy könne and Wand schiesse!!! Wo mr aglüte hänn isch e Tonband ko(wenn si das wänn drugge si 1,wenn si das wänn drugge si 2 etc) mir hänns 3x miesse alose bis mir pberhaupt verstamde hänn welli Nummere mir mien drugge und denn wider und wider neu versueche wills nid klappt het oder mirs nid verstande hänn... Mir hänn im ganze 10x (ich übertrib nid) dört aglüte(wenn das öbber über wacht het, denn het dä ums für völlig verruckt erklärt) wos denn ändlig klappt het sinn mr haime, wo d Abby mit asiatische Nudle und Fleisch uf uns gwartet het. Zum Dessert hanni no dörfe e arabischi Siessigkeit probiere mmmhhh und arabische Kaffi wäääähhh :/
So jetzt isch fertig mit schribe, denn ich muess no mini Husufgobe für morn mache :/
guet nacht, schlofet guet :DRead more