22. Tag in Brighton

E wunderschöne Dag isch es gsi :) Mit richtig viel Sunne, dorum sinn mr denn au scho am 10i ans Meer abe go laufe :) es isch wundrr schön gsi, es het eif bitz fescht gwindet. Aber dä Wind het gmacht, dass d Wälle am Ufer broche sinn und mega hochi Fontäne verursacht het :D Uf die 12:30 hänn mr uns denn mit ere italiänere us dr Schuel in Rottingdean troffe zum go super feine Fish&Chips ässe mmmhhh 😋 Denn hänn mr uns in Bus richtig Eastbourne gsetzt, doch uf halber Sträcki hänn mr uns denn entscgiede bi de Seven Sisters uszstiege, das sinn 7'Hügel' am Meer mitere super schöne Landschaft 😍 Das isch alles super gsi, bis mir beschlosse hänn uf die Hügel uffe z goh... Zerscht hänn mr gfunde mir nämme dr steilscht Wäg zum uffe go(s isch jo nid so gsi, dass es näbedra e Fuessgängerwäg ka hätt ;)) doch wo mir denn dört Obe ako sinn isch es erscht richtig los gange..!!! Dört obe hets nämmlig gwindet...nei GSTÜRMT!! Dä Wind isch so stark gsi, dass me sich het könne füre lähne und me isch nid umkeit 😲 ich sag euch, ich ha nonie in mim Läbe e sone starke Wind erläbt... Ich glaub öbbe so fühlts sich aa, wenn me useme Flugzüg gumpt! E beängschtigends, aber cools Gfühl!! :) Nach langem Kampf gege dä Wind und e paar Fotene uf eim vo däne Hügel hänn mr uns denn wider ufe Haimwäg gmacht :) Nachere warme Duschi (denn dä Wind isch sau kalt gsi)und eme feine z'Nacht sinnr denn an Strand abe, go dr Fuessballmatch Dütschland vs. Italie go luege... Leider hänn d Italiäner verlore, aber es isch super gsi, mini Italie Girls hänn näbe mir eins zämmegfluecht und gschraue, das isch Kino hoch drei gsi ;) Nachdäm mr denn beschlosse hänn, dass mr am Sunntig Morge frieh ufstön, sinn mr Heim go schlofe :)Read more