Morón

Also gester isches zwar in Boca mega luut gsi, d WM-Fiir isch aber definitiv verbii. S chlättered niemmer meh uf Ample umenand und es gumped au niemmer vo Brugge uf fahrendi Büs.
D Büs sind aber öppis vo dem wo eus am meiste überrascht hät. Gsehnd vo usse wie es Postauto us de 70er us, sind aber ine richtig guet Klimatisiert. Es Bus/Zug/Metro-Ticket kostet ca. 15 Rappe. Leider isch aber s Uber au ziemli günschtig. Vor allem wenn mer de Pesos zum Wärt vom Dollar Blue gwächslet het hehe.
Am 2. Tag simmer denn uf Castelar, das isch es Dörfli chli usserhalb wo während 20Jährli mini spanische Grosseltere gwohnt hend und sich selber es Huus baue händ (das mit de farbige Plättli). Au ihri Nachbarsbäckerei staht sit em 1956i immerna dete. Isch aber am Sunntignamittag leider nümme offe gsi 🥲
De Abig isch wieder ruhig gsi, genau wie au am Folgetag wommer d Stadt go Besichtige sind und am Abig denn wieder bim Diego uf en Asado ihglade gsi sind.
Zämmefassend zu Buenos Aires:
Buenos Aires heisst uf dütsch "gueti Lüft". Das chunnt wahrschindli vo de klimatisierte Büs, will sust isch d Luft ide innestadt nöd wüki mega guet. D Fleisch-Empanadas im Mercado San Telmo sind die beschte wiit und breit. Ah de calle Florida wird ah jedem Egge Dollar-Blue gwächslet.
D Guetlüftler sind aber so ziemlich die ufgstelltischte Mänsche woni bis jetzt uf de Reis troffe han. Sie gsehnd alles positov, au d Wirtschaftssituation vo Argentinie. Sie findets voll scheisse, dass unter de Wuche ide Schwiiz nachem Schaffe alli hei gönd und nöd no sponti bis am 2 am Morge Asados mitenand ässed. De WM Titel isch de einte au wichtiger gsi als e funktionierendi Wirtschaft. 2 wichtigi Sache wommer ide Schwiiz definitiv chönnti übernäh.🙂Read more