- Show trip
- Add to bucket listRemove from bucket list
- Share
- Sep 28, 2024, 8:31 PM
- 🌙 14 °C
- Altitude: 3 m
AustraliaWestern AustraliaIrwinDongaraKingy Bay29°14’45” S 114°55’6” E
Los gahts richtig Norde

So di letscht Nacht im ne warme Dihei hemmer gnosse aber mir sind ready zum s Australie Kapitel so z schlüsse wie mers au ahgfange hend und zwar früürend im Auto😂 Nene mir sind guter Dinge das mer dasmal nöd früred, aber mir hend halt nümm dä Luxus vo Schlafsack und Matratze. Da mer die hend müsse z Cairns lah gits jetzt halt eifach Schneemann look und chli Rugge weh😅
Aber zrugg zum Tag, am Morge simmer i en Nationalpark wommer mega viel Känguru gseh hend und zwei Koalas. Vier Känguru hend sogar es Baby im Bütel gha! Insgesamt simmer öppe 1h eifach im Wald gstande und hend d Kängurus bim esse beobachtet😍 Wo mer denn zrugg zum Auto hend welle het eus en Vogel begrüesst und er het eifach nöd weg welle. Erst nachdem mer en berüehrt hend isch er weg gfloge🤔
Wiiter ischs gange uf Lancelin, det hemmer di hübsche Sanddüne ahgluegt und denn simmer wiiter zu dä Pinnacles Desert. Isch ebefalls en Nationalpark wo mer mit em Auto die verschiedene Felse chan go ahluege. Am Ahfang hemmer nöd denkt das euses 2WD Auto das schafft aber moll isch tiptop gange😁
Als Abschluss simmer no ah en Strand wills det sött Seehünd ha aber leider neein. Bis jetzt hemmer mega Glück was d Tierwelt ahgaht bis uf: Wombat, Seehünd und Ameiseigel hemmer alli chli grössere Tier gseh. Us dem Grund simmer jetzt chli uf dä Suechi🤫 Dä Sunneundergang hemmer irgendwo ufme Hügel vom Autodach gluegt und denn simmer zu eusem Schlafplatz gfahre. Und was gsehmer wommer det härä fahred?! En Ameiseigel!😍😍 Mir hend eusne Auge nöd traut und eus tierisch gfreut🥳 Hüt hemmer allgemein en richtige Glückstag gha, will mir hend hüt gseh: mega viel 🦘, zwei 🐨, en 🦊, en wilde 🐰, ä Emu Familie und en Ameiseigel 😍
Zum Znacht hemmer no di restlich Pizza vom Resti gässä und denn hemmer eus ahgleit mit allem wo mer hend. Wie d Nacht usecho isch gsehmer denn morn😅🙂Read more
Traveler
Es gseht gmüetlich us😆
Traveler
Guäti Nacht 😴