Río Claro

Mer händ 3 Nächt ih ehmene Höttli am Fluss im Valle de Elqui gschlofe. Mer händ ehn mega höbsche Balkon und au ehn Hängematte diräkt am Fluss gha. Vo det us hed mer ih de Nacht wunderschön d Stärne gseh (för was das Tal übrigens bekannt esch).

Ah de zwoi Täg hämmer die umliegende Dörfli chli erkonded und händ, wie ihr uf de Bilder gsänd, ganz viel tolli Sache entdeckt! S Tal esch näb de Stärne au för sin Pisco, die schöni Natur und för die esoterische Bewohner/Touriste bekannt.Read more