French Polynesia
Tuherahera

Here you’ll find travel reports about Tuherahera. Discover travel destinations in French Polynesia of travelers writing a travel blog on FindPenguins.

6 travelers at this place:

  • Day103

    Facing fears Pt.1

    July 30, 2018 in French Polynesia ⋅ 🌙 26 °C

    Hüt Morge simmer scho am 6i uf zum ga fische... mer sind dismal nid im runde Atoll vu Tikehau inne blibe, sondern sind durch en Öffnig im Riff ufs offnige Meer. Sofort isch sWasser ruhiger worde, statt de eher chline nervöse Welle hemmer etz grossi Woge gha. Da hemmer dRuete usglah und sind en grosse Chreis im Ozean gfahre - leider ohni Erfolg. Erscht womer zrugg ins Atoll sind, het de Sämy en Barracuda gfange :) leider isches bi dem einzige Fang blibe, dCrew isch dadervu nid sonderlich happy gsi, offebar sind Barracudas nur so mittelfein zum esse... sogar de Choch het gemeint, er sigi nid sicher öb en Barracuda fange würkli besser isch als kei Fisch zfange :) naja, eus hets gfreut und mier mend ne etz ja au nüm esse :D
    Zum Abschluss vu eusne 3 Täg Tikehau simmer mal um eusi Resortinsle umegloffe - en wunderschöne Spaziergang im rosa Sand, mit türkisem Wasser und wehende Palme :) das hemmer denn au grad mit vilne Föteli messe dokumentiere, dadurch isch us eigentlich 20 Minute Umrundigs-Zit ca. sdoppelte worde :)
    Ca. halbwegs het sich de schwarz Pitbull Colmar zu eus gsellt, isch aber scho gli ins seichte Wasser gschosse... da simmer ga luege was für Fisch as er am hinderherjage isch - da gsemmer vier Haiflosse usem Wasser rage! Vum Hund verschreckt sinds schnell wieder ins Tiefe gflüchtet, doch sie hend sich immer wieder mit de Welle la inetriibe la, irgendwie ähnlich wie Delfine. De Colmar het so schnell nid ufgä und isch de Black Tip Reef Sharks flissig nache, teilwis hend sie sich zimli durch sflache Wasser messe winde um wieder usezcho... doch trotzdem sinds immer wieder zrugg ihri Rundene ga dreihe, ganz so wiemer sich Haie us de Filme vorstellt: Flossespitze ca. 10-15cm usem Wasser :)
    Am Mittag isches für eus denn mit Boot und Taxi zrugg an Mini-Flughafe. Hüt hemmer en richtigi "Anti-Flugangst-Kur" fürd Martina gmacht: zum zu euser negschte Insle Huahine zcho, hemmer ganzi 4 Mal messe lande! Zerscht Tikehau-Rangiroa-Papeete, denn numal ichecke und wiiter vu Papeete-Rangitea-Huahine... wie scho ufem Hiflug sind einigi Streckene sehr churz, so glicht der Flug mängisch meh amene HopOnHopOff Bus: zerscht de malerisch Abflug, gsäumt vu Palmewälder, und denn so Durchsagene wie "on your left side you can now see the Blue Lagoon / Vineyards of Rangiroa" - keis Wunder wenn mer nur ca. 500m Höchi erreicht!
    Uf Huahine acho isches zerscht mim Bus und denn wieder mim Boot wiiter - und das under wunderschön klarer Milky Way! Mer freued eus, euses neue Inseli morn zerkunde :)
    P.S.: öppis womer bi Fidschi vergässe zschribe und offebar nur det und nid i dr ganze Südsee üblich isch: wenn sich dFidschianer unterenander grüeft hend, hend sie en Art "Kussgrüsch" gmacht umd Ufmerksamkeit uf sich zzieh, wie miers mached zum z.Bsp. Chatze azlocke :)
    Read more

  • Day102

    Cousteau, "broken dreams" & a trimaran

    July 29, 2018 in French Polynesia ⋅ ⛅ 25 °C

    Obwohl mer geschter de halb Tag verschlafe hend, hemmer hüt znacht numal herrlich tief gschlafe - lit sicher am vile schwimme und de guete Luft, ähnlich wie uf dr Moana!
    Hüt Morge simmer numal zum Manta Spot - und dismal hemmer tatsächlich da en ca. metergrosse Ray gseh (btw als einzigi vu eusem Boot), zämä mimne Black Tip Reef Shark. Dernach simmer zum "Coral Gardens" Spot gfahre, da sig scho de Jacques Cousteau gsi und heig gseit hie heigs eini vu de grösste Tier-Vielfalt vu dr Südsee! Tatsächlich hemmer uf dem Koralleblock zmitzt im Atoll unglaublich vil verschiedeni Fisch gseh, immer nur 2-3 glichlichi. Zudem hets es paar fascht 1m grossi Triggerfish gha - und zum Schluss numal einigi Black Tip Reef Sharks, wo teilwis neugierig um eus ume kreist sind und recht nöch cho sind :)
    Nu vorem Zmittag het sich de Sämy am Strand sini Locke la schore - en improvisierte Beauty Salon mit Usblick ufs türkise Meer :) de erscht Wurf isch au gar nid so schlecht gsi, doch bi es paar letschte Retouche het sich dMartina umd Ohre und am Nacke nur nu "verschlimmbesseret" :( sie hofft etz uf schnells Haarwachstum und het am Sämy strikts Cap-Pflicht verordnet :) ihre Meitli-Traumbruef Coiffeuse het sie etz für immer und ewig begrabe, das wird nix meh :D
    Nu vor Sunneundergang simmer mim Chris, am australische Bsitzer, uf sin chline Trimaran ga segle. Mer hend eus leider mit sine Fachusdrück chli schwer ta ("put the dagger halfway down" - bitte was?!) - aber irgendwie hemmer doch nu paar halbwegs gueti Wendene anebracht und hend heil durch dUntiefene und Strömige zruggfunde :)*
    Read more

  • Day101

    Harpoon fishing & sleepy heads

    July 28, 2018 in French Polynesia ⋅ 🌙 26 °C

    Euses Natur-nahe Resort Ninamu erinnert eus anen Mischig vu Eco Eden uf Flores und Umlani Buschcamp im Timbavati: durch die offne Bungalows ghört mer jedi Welle und sKnistere vu de Palme im Wind. Mer hätted am liebschte de ganz Tag im Bett verbracht, doch das chline Resort mit grad mal 8 Gäst het en andere Plan gha mit eus: halbi 8i Zmorge und denn am 9ni ab ufs Boot. Am erschte Snorchel-Spot hemmer dMantas leider grad verpasst - derfür hemmer sie später, zämä mit emene Delfin, nu vum Boot us gseh. De zweite Snorchel-Spot isch voll gsi mit schwarze ca. 20cm grosse Fisch - en riese Schwarm isch ohni Scheu ganz nöch zu eus anecho. De "König" isch au awesend gsi: en grosse grüene Napoleonfisch, wo sich vu einem vu dr Crew us dr Hand het la füettere.
    Später simmer am australische Bsitzer hinderhergschwumme, während er mit dr Harpune ga Fische isch... innerhalb weniger Minute heter en Grouper und Skorpionfisch abgschlosse gha - idrücklich gsi! Zrugg ufem Boot heter ne es Messer durch de Chopf gstosse, doch de Grouper het trotzdem nu lang gschnuufed und ab und zue gfloppt :o
    Mer hend es super Hochsee-Fischerbötli gha - doch womer zrugg zum Hotel hend welle fahre, isch dEbbe scho ztief gsi zum über die flache Sandbänk zcho... somit hemmer churzerhand sBoot vor dr Insle gankeret und sind an Land gschwumme :)
    Zrugg uf eusem Inseli het sich dMüedi denn doch numal bemerkbar gmacht - de ganz Nami hemmer i eusem Kabäuschen am Strand verschlafe :) das hemmer wohl nach de Odyssee vu de letschte zwei Täg nötig gha!
    Zum Znacht het sich de französisch Choch numal selber übertroffe: nebed Reef Fish hets au Herdöpfelgratin mit Lauchgmües gä... das Heiwehässe het v.a. Martina super gschmöckt!*
    Read more

You might also know this place by the following names:

Tuherahera

Join us:

FindPenguins for iOS FindPenguins for Android

Sign up now