Frörup

Am morge früeh semmer losgfahre ond händ so rechtig kilometer abgspuelet, halt so schnäll wies got met eusem göppeli.
Am mettag hämmer s erste mol bemerkt, das euse camper kei strom het vo de zuesatzbatterie... met händ de secher 1 stond probiert usefende a was dases liit. Leider ohni Erfolg. Dank em Internet hämmer chönne of Villmärge alüte ond händ no tipps vom Walti becho.
So hämmer s nächste Bauhaus gsuecht ond en Spannigsmässer kauft. Eusi Diagnose: Batterie tot...
Herr Google het gwösst womer neui chan chaufe, de semmer also wiiter enen Campingshop, leider händs eusi dete ned gha ond mer händ au ned welle zwoi Nächt warte beser si bstellt hät... mer händ also gfonde "auf ins Abenteuer, ohni Strom chömmer das au"...
Ofeme Wanderparkplatz hämmer de öppis kochet, för da bruchemer jo zom glöck gas ond ned strom 😉 ond händ dete au gschlofe.Read more